الأحد، 7 نوفمبر 2010

شعبي الحبيب الصبور المهااااااااود

شعبي الحبيب الصبور المهاااااود

يسعدنى ويشرفكم توليا لرئاسة الليالي واتمنى لكم ولليالي عهد مثمر ومزدهر

بس لازما ولا بد تعرفوا ان انا كنت بادلعكم اوي الفتره الرئاسيه الى فاتت وده لن يتكرر ثانية

ههههههههههههههههههه

دلوقتي باب الترشيح لمنصب نائب الرئيس خلاص اتقفل وبداية من نشر هذا البوست ولحد بكره بالليل ان شاء الله مطلوب من حضراتكم تصوتوا على اختيار نائب الرئيس

وطبعا منعا للاحراج سنتقبل التصويتات على اميل الليالي الثابت بعد كده ان شاء الله

laialy.masrya@gmail.com

وطبعا الى عايز يصوت على صفحة التعليقات فأهلا ومرحبا

وكمان يا شعبي الحبيب الصبور المهااااااود .. عايزه برضه تصويت على اننا نخلي الفتره بين نشر الحلقه والاخرى 3 ايام وده اقتراح خواطر ...

وعلى تعديل الدستور بحيث ان الرئيس يتم اختياره مع الفكره يعنى من يعرض فكره يكون مرشح ايضا للرياسه فترة نشر القصه وهى 30 حلقه ....ولو حبيتوا ممكن اضيف شرط هو او من ينوب عنه بالترشيح من صاحب الفكره ... عشان بس لو حد مش فاضي للرياسه وعنده فكره ما نحرموش برضه انه يقدمها

عايزه تصويت جاد من فضلكم من كل متابعين الليالي .. صوتك امانه واتعلموا الديموقراطيه بقى

م علي يونس ... حتى كمان منصب الرياسه بالانتخاب وانا اعلنت انى مرشحه نفسي وما حدش غيرى اترشح اعملكم ايه بقى اقطع نفسي ههههههههههههههه

بالنسبه للقصه الجديده

اي حد هايكتب لو سمحتم يحاول يكلمنى على الميل سواء اميلى او اميل الليالي او يبعتلي رساله قبل ما يكتب عشان نتناقش شويه فى الحلقه عشان ما نتعبش بعض وانا ريس دماغه ناشفه اصلا

واشوفكم بكره بالليل والى مش هايصوت بجد من اسرة الليالي بالذات هايتضرب بالرصاص على طول

هناك 13 تعليقًا:

ليالي مصرية يقول...

معلش يا جماعه نأسف على التاخير .. كنت مسافره ورجعت ميته خالص بالاضافه الى شوية اصابات طفيفه استعدت لطعتي عند الدكاتره وكده
السماح يا شعبي الصبووووووووور

ندى الياسمين

حاجات جوايا يقول...

ألف سلامة يا ندى
انتى اللى تعبانة ولا مين ؟
حمدا لله على سلامتك يا ريس
الشعب كان هيسيب البلد ويرحل عشان مش لاقى حد يحكمه ههههه


اي حد هايكتب لو سمحتم يحاول يكلمنى على الميل سواء اميلى او اميل الليالي او يبعتلي رساله قبل ما يكتب عشان نتناقش شويه فى الحلقه عشان ما نتعبش بعض وانا ريس دماغه ناشفه اصلا


هو احنا ربنا مش هيتوب علينا من الديكتاتورية هههههه
معنى كلامك ان الحلقات كلها هتكون من وجهة نظرك انتى
ولا انا فاهمة غلط
انا شايفة انك تعملى بوست تكتبى فيه فكرة القصة والاحداث الرئيسية اللى عايزة توضحيها او عايزة تاكدى عليها زى ملخص كده وتسيبى كل واحد والهامه
لكن الحلقات تفصيل كده هتبقى صعبة اوى
.. ولا ايه رأيك ؟

بالنسبة للترشيح انا مرشحة فمعتقدش انى ينفع ادى صوتى ولا ينفع ؟؟ مش عارفة
عموما لو ينفع هتصوت لنفسى يا لهوووووووووى
ههههههههههه

تحياتى يا ريسة :)

حاجات جوايا يقول...

نسيت اقول انى موافقة على اقتراح خواطر ..

أبو حميد يقول...

ىا لطيف اللطف يا رب
مالك يا ريسة داخلة حامية علينا كده?
عموما مواااااافقة على كل إقتراحاتك

خواطر شابة يقول...

يعني بعد ما قلنا عهد الديكتاتورية ولى باصدار القرار الجمهوري السابق رجعنا تاني لشعبي الحبيب الصبور المهاود ههه
انا مع حاجات جوايا في هذه الجملة "انا شايفة انك تعملى بوست تكتبى فيه فكرة القصة والاحداث الرئيسية اللى عايزة توضحيها او عايزة تاكدى عليها زى ملخص كده وتسيبى كل واحد والهامه"
لان حلاوة الموضوع تكون في انه غير مقيد وفي ان كل واحد يكتب ما يشاء وحلاوة الموضوع في التغلب على هذه الصعوبات بل والمطبات احيانا وارجاع الدفة الى المسار الطبيعي هذا هو التحدي وهذا هو الجميل في الموضوع وعندما يصبح موجها سيفقد لذته وستكون وجهة نظر واحدة هي السائدة
المتعارف عليه الى الان ان الرئيس يتلقى الحلقة ويطلع عليها قبل الجميع لو عنده ملاحظات يبديها لو اقتنع صاحب الحلقة كان بها لو لم يقتنع يتم نشر الحلقة كما هي لانها في النهاية حق اصيل لمن كتبها وعلى من يأت يبعده ان يبني على ما كتبه هو
ارجو ان اكون قد توفقت في توضيح فكرتي
بخصوص الترشيح انا في هذه المرحلة ارشح حاجات جوايا كنائب رئيس
بخصوص اقتراحي بمدة 3 ايم بين الحلقات فأنا اكيد من الموافقين
تحياتي للجميع

خواطر شابة يقول...

بالنسبة لاقتراح ان الرئيس يكون هو صاحب الفكرة او مرشح من قبل صاحب الفكرة انا موافقة على هذا الاقتراح

حنعيش يعنى حنعيش يقول...

ثانيا :موافق على كل الاقتراحات ... ما انا تبع حزب الليالى ... وكله من اجلك انت ...
اولا : ارشح حاجات جوايا ... لموقع نائب الرئيس
تحيا جمهورية الليالى الديموقراطية الحرة المستقلة

ندى الياسمين يقول...

ايه يا ولاد النوايا الوحشه دي
هههههههههههههههه

ما تخافوش انا مش هافرض فكري على حد انا كل الحكايه عايزه بس نكون متناقشين قبل الكتابه عشان الوقت بيبقى ضيق اوي انه حد يكتب ويرجع يغير

وبعدين انا ما انا كنت ريسه قبل كده يا ناس عمري يا جدعان فرضت فكري ورايي على حد
حتى البت منار طلعت روحي مناقشه وما اقتنعتش ونشرت الى هى عايزاه

والفكره يا خواطر مش اننا نفاجيء يعنى عايزه الكتاب يفجأونى ازاي انا الرئيس طيب مش مطلوب مفجأتي فى اي حاجه يفجائكم انتم معلش

اما الخطوط العريضه فانا مش عايزه اتكلم فيها على الملأ فى بوست عشان ما احرقش القصه للقراء ايه هو احنا بس الى بنقرا لعلمكم احنا لنا متابعين كتير ومش من عالم التدوين كمان

طيب بلاش حد يكلمنى شوفوا اي اميل شات اي حاجه انشاله اعملكم جروب على الفيس بوك

ونتكلم عليه مثلا لما نحدد مين هايكتب اول عشر حلقات انما اقول الخطوط العريضه والافكار اون اير كده ؟؟؟


وسالي لا ما تقلقيش مافيش حاجه خطيره رحمه كانت وقعت على ايدها فكنت شاكه يكون شرخ ولا حاجه فطبعا اشعه بقى ودكتور وكده خدت يوم بطوله
بالاضافه لدكتور الاسنان بتاعي كده يوم بحاله اضرب
مرسي على سؤالك يا جميل


بس خلااااااص ما تقلقووووووش يا شعبي الصبور المهااااود انا مش مفتريه اه ديكتاتوريه نووووووو

مش معنى انى عايزه اتكلم معاكم قبل النشر انى هافرض رايي عليكم انتم خدتم على الفرض والغصب ولا ايه

خواطر شابة يقول...

هههه لا يا ندى احنا بس بنعمل بنصيحة الفاضلة بوسي سمير حط النقط على الحروف قبل ما نطلع سوا عالروف ههه
فهمت فكرتك الان وانا معك فيها الموضوع سيكون كأنه ورشة كتابة متفق فيها على الخطوط العريضة وهذا جيد
تكرم عينك يا سيادة الريسة طلباتك اوامر
دمت بكل الود

أبو ريان يقول...

مرحبا بالرئيس القديم الجديد,,,
أنا أرشح سالي,,
أنا مع خواطر في 3 أيام,,,
أنا معهن في مسألة الإلهام,,,
أنا مع ريان نكتب هذا التعليق,,,

محمد الجرايحى يقول...

ونعم الديمقراطية .....
نموذج مثالى حى لكيفية تطبيق الديمقراطية الحقيقية.

amirelhob يقول...

وبعد اذن الجميع وبعد اذن حاجات جوايا انا كمان مرشح نفسى مش معقول تبقى الليالى كلها بنات كدا لازم يبقى فى عنصر رجالى انا مرشح نفسى وبودعدكم بحل مشكله السكر وتوفير فرص عمل للشباب فى الليالى وهصلح الصرف الصحى وهلغى الاكراميات والمحسوبيات اللى تحت عنوان الشاى

وانا بتبع نظريه الاستاذ الدكتور البشمهندس المستشار مرتضى منصور فى ان لو حصل تلاعب فى الانتخاب وربنا لا احل المجلس واحبس شوبير



بجد بقى بعيد عن الهزار انا عارف انى اكيد مش هكسب فى المعركه الاخويه دى بس انا من دلوقتى برشح نفسى ولو حاجات فازت بيها يبقى انا اول المهنئين عن طيب خاطر

واحجزولى تلات حلقات من دلوقتى فى القصه الجديده

ومن قلبى بتمنلكم كل خير وسعاده وصحه وتوفيق وفرح وابتسامه تدوم يا رب طول العمر

وبالنسبه لصوتى لو ينفع ليا يبقى ليا على الاقل ابقى ضمنت صوت مع انى كنت خايف القى نفسى من غير ما احس اديتوا لحاجات جوايا

ليالي مصرية يقول...

امممممممممم وهكذا حسم الامر لصالح سالي حاجات جوايا

وتمت الموافقه على مد وقت حلقات الليالي

طيب ننزل البوست بقى

الى هناك