الثلاثاء، 21 سبتمبر، 2010

قلب كامل 13

الحلقة الثالثة عشرة
بقلم أمير الحب

خرج كامل مسرعا الى سيارته دون ان ينتظر سائقه الخاص وقلبه يكاد لا ينبض ويتسارع بين السيارات وبين الوقت على امل ان يلحق بابنه احمد وبعد مرور بضعه دقائق وصل كامل الى المستشفى ويبدو عليه القلق ثم نظر اللى موظف الاستقبال وتحرك نحوه مسرعا

كامل : لو سمحت فى واحد اسمه احمد كامل جه هنا فى حادثه عربيه ممكن اعرف هو فين ؟

الممرضه : اه حضرتك دا فى الدور الرابع

لم ينتظر كامل ان تكمل الممرضه كلامها نظر الى الممحاذاة إلى الوسطصعد فوجده مكتظ فذهب مسرعا الى السلم وصعد مسرعا وكانه ابن العشرين من عمره وصل الى الدور الرابع وسأل احد الدكاتره الذين يمرون بالدور

كامل : لو سمحت يا بنى الحاله اللى عملت حادثه وجت عندكم هنا القيها فى انى غرفه

الدكتور : اكيد فى الطوارئ الغرفه اللى جايه على اليمين دى بس خلى بالك ممنوع الدخول

اسرع كامل وهو يمنى نفسه ان يكون ابنه بخير وما ان وصل حتى رأى احمد وهو غارقا فى دمه وما ان رأى ذلك حتى اراد الدخول فمنعه احد الدكاتره واصطحبه الى مقاعد الانتظار

الدكتور : اهدأ يا استاذ كدا ان شاء الله هيقوم منها وكل حاجه هتبقى تمام ادعيله انت بس

كامل : تفتكر يا دكتور ؟؟؟

الدكتور : طبعا ربنا قادر على كل حاجه اقعد انت بس هنا وادعيله على ما اشوف انا الحالات اللى عندى وارجعلك تانى

كامل : اتفضل يا بنى وربنا يطمنك

جلس كامل وهو يفكر ما الذى يحدث ولماذا هل حقا كتب عليه ان لا يرى السعاده دوما وان يبقى حزين طول حياته

سكت قليلا ثم بدا يتحدث مع ذاته ليه بس كدا يا ربى الحمل تقل اوى وبجد مش قادر عليه انا كنت فاكر ان كل دا سهل واى حاجه ممكن تعدى طلعت اضعف من اقل حاجه ثم عاد لسكوته مره اخرى وعينه تكاد تنفجر من الدموع وقال استغفر الله العظيم ايه اللى انا بقوله دا اللهم لا اسالك رد القضاء ولكنى اسالك اللطف فيه

وما ان انتهى كامل من حديث ذاته حتى رن تلفونه

كامل : ايوه مين

محمد : مين ايه يا بشمهندس انت مش مسجل رقمى ولا ايه

كامل : الحقنى يا محمد اخوك عمل حادثه وفى المستشفى

محمد : اخويا مين احمد ولا محمود ومستشفى ايه ! ! !

كامل : احمد.... مستشفى الوفاء الدور الرابع فى الطوارئ تعال بسرعه يا بنى

محمد : ثوانى واكون عندك اهدأ انت بس وان شاء الله خير

سكت كامل قليلا وقد ظهر عليه القلق و التعب ثم بدأ فى الدعاء لاحمد

جاء محمد بعد خمس دقائق تقريبا

محمد : ايه يا بابا طمنى فى ايه ؟

كامل : اخوك لسه جوا ومنعين الدخول

محمد : يعنى ايه منعين الدخول دا اخويا ولازم اطمن عليه

كامل: اهدى بس يعنى انت هتفهم اكتر من الدكاتره اللى جوه اقعد لحد ما حد يطمنا

جلس محمد بجانب والده وعينه على غرفه الطوارئ

ثم نظر اللى كامل

محمد :بابا محمود كلمنى وقولته وجاى دلوقتى هو ومنى

كامل: ليه يا بنى قلقتهم بس ما انت عارف منى بالذات دمعتها قريبه مش بتستحمل حاجه

محمد: يا بابا دول اخوته ولازم يعرفه زى ما انا عرفت

كامل : طيب ربنا يجيب العواقب سليمه

عاد كامل مره اخرى يدعو الله ان يشفى احمد

بعد مرور وقت ليس بكثير احس كامل بيد على كتفه فرفع راسه ووجد ابنته منى

منى: وهى منهاره من البكاء .... مالو احمد يا بابا ايه اللى حصل وازاى مقولتليش هو انا مش اخته

كامل: ويبدو عليه الضيق يا بنتى اخوكى هيبقى كويس وهيقوم بالسلامه وبعدين بلاش تقولى الكلام دا تانى والحمد لله انك جيتى اقعدى بقى واهدى وربنا هيطمنا

وما ان انتهى كامل من كلماته التى لا يستطيع قلبه ان يصدقها حتى راى احد الاطباء وهو خارج من غرفه الطوارئ


وينادى شوفولى حد مع الحاله اللى جوا دى

قفز كامل من على مقعده وذهب نحو الدكتور وقال ايوه انا والده فى ايه ؟؟؟؟؟

الحلقة القادمة بقلم
أبو حميد

هناك 20 تعليقًا:

خواطر شابة يقول...

امير الحب سعيدة انك لم تقتل أحمد خفت من ان تفعل ذلك
انت اخترت خط واحد وطورته دون ادراج اي خط أخر موازي لكن صراحة الحادثة حدث مهم ويستحق هذا التفصيل
يسلم قلمك وعقبال حلقة قادمة ان شاء الله

خواطر شابة يقول...

ابو حميد
أبو العروسة وصاحب فكرة قلب كامل انه دورك وجه الليالي في الاتجاه الذي تريده والذي تراه مناسب ويوافق تصورك الاولي للقصة
دمت بكل الود

amirelhob يقول...

مش هنكر انى اعتبر من اقل الحلقات ودا مش بيضقنى خالص بالعكس انا مبسوط انى شركت فى حاجه جميله كدا حتى لو جزء صغير انا بس يمكن اللى لغبطنى شويه انى عرفت معاد الحلقه النهاردا الصبح من واحد صحبى كلمنى ولانى كان عندى حاله وفاه وبعد الظروف اللى خارجه ان ارداتى وروجوعى لمصر خليتنى بعدت شويه عن المتابعه وكمان لقيت الحلقه اللى قبلى غيرت الاحداث كلها

مش هقول بتمنى ان الحلقه لان دا صعب فى ظل ضعف الحلقه لكن بتمنى انكم تتقلبه وجودى واسف بجد لكل اللى قبلى لو مكنتش متابع بس بجد انا كنت خارج عن اطار الحياه لاكتر من شهر

وعشان كدا انا انتهزت الفرصه دى عشان يكون اقل اعتذار لناس بجد غالين عليا وبشكركم بجد على انكم مش نستونى

بتمنى التوفيق يا رب للحلقات القادمه و ان شاء الله عندى فكره يا رب تعجبكم بعد الحلقات دى وهى تنفيذها تصويرا حتى يرى بعض الناس ابداعات جميله

ومن قلبى بتمنلكم متزعلش منى ويا رب مكنش كركبتلكم الدنيا وبتمنلكم كل خير وسعاده وصحه وتوفيق وفرح و ابتسامه تدوم يا رب طول العمر

أبو حميد يقول...

للأسف لن أستطيع حاليا الكتابة أو المتابعة

خواطر شابة يقول...

امير الحب
لم هذه الحساسية الحلقة جميلة وانا أقدر ظروفك تماما لاني اطلعت على مدونتك وتركت لك تعليق هناك
تعرف الكتابة في هذه المرحلة صعبة على الجميع لان فترة التوقف الطويلة جعلت خطوط القصة تتسرب من بين ايدينا ولابد من مراجعة الحلقات السابقة لمسك خيوط القصة من جديد
تعرف اصدقك القول انا لم اتوقع ابدا ان تصلني حلقتك اليوم خصوصا بعدما لم يظهر لك اثر في تعليقات الحلقة 12 لذلك كانت فرحتي عظيمة عندما فتحت ايميلي ووجدت الحلقة عليه لذا فأنا التي عليها ان تشكرك على التزامك برغم ظروفك التي أقدرها تماما.
منتظرة انك تطلب حلقة جديدة لاضيفك للجدول للكتابة مجددا
دمت بكل الود

خواطر شابة يقول...

ابو حميد
اتمنى ان يكون المانع خيرا وعلى العموم قلب كامل في ايدي امينة الى ان تستقر امورك وتعود لتتابع من جديد
دمت بكل ود

أبو حميد يقول...

خواطر شابة
إنا لله وإنا إليه راجعون
توفى أبى منذ ثلاثة أيام

أع ـقل مـ ج ـنـونــة يقول...

بالعكس الحلقة رائعة
كنت خايفة برده من موت أحمد ^^,

فـ انتظار الحلقة القادمة

خواطر شابة يقول...

ابو حميد
انا لله وانا اليه راجعون
ربي يتغمده برحمته الواسعة ويبدل محبته في قلوبكم بالصبر
أعذرني ياأخي انا لم أكن أعرف الظروف وتعازي الحارة لك ولكل افراد عائلتك.
اعرف تماما احساسك لاني جربته لذا ادعوا له بالرحمة فعمله انقطع الا من ثلاث من بينهن ولد صالح يدعوا له فكونوا انتم هذا الولد الصالح.
ابو حميد تعجز الكلمات عن التعبير فدعائي الى الله ان يجيرك في مصيبتك ويرزقك وأهلك جميعا الصبر والسلوان

علاء المصرى كل يوم يقول...

السلام عليكم
مشكورا مجهودك

ألا طالعت قصيدة الرد على حرق القرأن

على http://elmsryklyom.blogspot.com/

دعوة للأطلاع

ali younes يقول...

السلام عليكم ورحمة الله وبركاتة
أولا
أتوجه بخالص التعازي للاخ أبوحميد لوفاة ولدة
وعظم الله أجرك للفقيد الرحمة وللاهل الصبر والسلوان

ثانيا
أمير الحب
حلقة صغيره وجيدة ولولا ظروفك كنت اتوقع حلقة أكثر من ممتازة وذلك من سياق الحلقة
ثالثا
لمن يكتب لاحقا تسليط الضوء أكثر علي هذة اللحظة في المستشفي وأخراج موقف درامي منها يكون أكثر تأثير

وشكرا لكل من يشارك ويبذل مجهود لأسعادنا
مع خالص تحياتي وربنا يعينك يا أختنا خواطر شابة

خواطر شابة يقول...

ali younes
هل تريد المشاركة بالكتابة مجددا لاحجز لك حلقة?

خواطر شابة يقول...

أع ـقل مـ ج ـنـونــة
الدعوة مفتوحة لك ايضا للمشاركة في الكتابة ان اردت ذلك فقط اخبريني لاقوم بحجز حلقة لك

حنعيش يعنى حنعيش يقول...

ايه ياعم امير
انت عامل حلقة حسستنى انى واقف مع كامل وعياله مستنين الدكتور يطلع من عند احمد ... انا عينى ما اترفعتش من اول سطر لاخر سطر ... تسلم ايدك ... انا متهيء لى انا احمد حيكون عايز نقل دم مش كدة ... اهو تغشيش للى بعدك

حنعيش يعنى حنعيش يقول...

ابو حميد
البقاء لله وان لله وانا اليه راجعون

البنفسج الحزين يقول...

خواطر شابه:
أولا بقدم خالص التعازي للأخ أبو حميد
وانا هاكتب الحلقه النهاردة بالليل ان شاء الله وهابعتهالك علي الايميل ده
naciri192002@yahoo.fr مش كدة؟
وان شاء الله تكون جاهزة في الميعاد

خواطر شابة يقول...

البنفسج الحزين
نعم عزيزتي الايميل صحيح وانا في الانتظار
والله العظيم انا سعيدة بمشاركتك تمنياتي لك بالتوفيق
دمت بكل الود

ali younes يقول...

خواطر شابة
أذا كان لي مكان في الدور للكتابة ماشي مافيش مشكلة وأكون شاكرا وهذا شرف لي
تحياتي لك

خواطر شابة يقول...

ali younes
الحلقة العشرون محجوزة لك
حظ موفق اتمناه لك
دمت بكل الود

ندى الياسمين يقول...

الحلقه جميله تسلم اديك بجد