الخميس، 22 يوليو، 2010

كلمة الرئيــس- تعالوا شوفوا التحديث

كلمــة الرئيـــس





الإخوة والأخوات



في بداية عهد جديد من الديمقراطية والإصلاح على كافة المستويات .. وإعادة بناء البنية التحتية والهيكلية والتنظيمية

أبدأ عهدي معكم مطالبة إياكم بربط الحزام أكتر وأكتر ويفضل لو تجيبوا أصلا حزام صغير توفيرا للنفقات واقتصادا لجلد الحزام الزائد عن الحاجة .. وجلدة على جلدة تعمل حزام جديد لمواطن جديد بفكر جديد



إذ أننا في منعطف تاريخي خطير ونواجه تحديات خطيرة على كافة الأصعدة والمستويات .. ومؤامرات من كافة بقاع الأرض ويجب علينا أن نتكاتف جميعا لصدها والحد منها ومواجهتها بكل طاقاتنا المهدرة التي آن الأوان أن نستغلها .. عشان نبقى حبة فوق وحبة تحت .. مش كله تحت تحت



وأحيطكم علما انه تم تغيير النشيد الوطني طوال فترة رئاستي .. وحتى يقضى الله أمرا كان مفعولا .. إلى النشيد التـالي



الموج الأزرق في عيني .. يناديني نحو الأعمق

وأنا ما عندي تجربة .. بالحكم وما عندي زورق

إني أتنفس تحت الماااااااااء .. إني أغرق أغرق أغرق



وأعدكم .... ثم أعدكم .. بعمل مشروع قومي يلتف حوله كل القوى الشعبية والحزبية والسياسية وهو .. عوامــــــــــــة لكل مواطــن



وفقنا الله وإياكم لمواجهة السيول والفيضانات والتغلب على شبر الميه حتى لا نغرق فيه

*******************

وعلى صعيد الليالي المصرية نبدأ معكم بعد النجاح الساحق لرواية ثمـن الأحـلام بقص شريط رواية جديدة وهى رواية (( قلـــــــــب كامــــــــــــل ))



قلب كامل

فكرة المدون : أبو حميــد

والتأليف مشترك لمجموعة من المدونين


وعلى من يرغب فى المشاركة ابداء رغبته فى التعليقات لوضع اسمه فى جدول الكتابة فى السايد بار

يتم ارسال الحلقات فى ملف وورد على الايميل التالى lialy.masreya@yahoo.com

مع التاكيد على ضرورة مراعاة بنود دستور ليالى مصرية




يارب تكون فترة ولايتى خفيفة عليكوا

فى انتظار طلبات المشاركة لتحديد المؤلفين قبل البدء فى رواية قلب كامل


تم نقل جدول الليالى فى الشريط الجانبى

رجاء الالتزام به

وفى حالة عدم ملائمة الموعد يتم ابلاغى قبل موعد النشر بيوم على الأقل لتحديد كاتب آخر



خالص تحياتى وتقديرى للجميع

حاجات جوايا

هناك 27 تعليقًا:

حنعيش يعنى حنعيش يقول...

الله الله الله ... يانصيبك يامصر ... حزام تانى ... طاب لغاية امتى .... عموما بالروح بالدم نفديك ياريس ... احنا عندنا عيال..هههههه
الحقينى يا ريسة شيلى التدقيق اللى فى التعليق انا ماعرفش اشيلة

حاجات جوايا يقول...

طبعاااااا
امال هى سايبة
انا مش من انصار الولاد اللى بيلبسوا وسط ساقط
هو الحزام اللى هيظبط كل حاجة ههههههههههه

ههى دى اخلاق الشعوب الراقية
من خاف سلم هههههههه

بالنسبة للتدقيق ارجوا مراجعة ايميلك اخى الفاضل

نورت افتتاحية قلب كامل د اسلام
:)

تحياتى وودى

لورنس العرب يقول...

طيب هانغرق ليه واحنا بنقدر نتنفس تحت الماء
ده التنفس تحت الماء معجزه لوحده
على كل حال انا هاشد الحزام وعملت حسابي وجبت حزام مش بيتقطع عشان مهما اشد فيه بالسنين يفضل هو جامد

علاء المصرى كل يوم يقول...

دلوقتى فى مشكلة أحنا

هنشترى حزام وعوامات بسهولة الفقير هيعمل أية

من رأيى أن أحنا نجمع شوية تبرعات لشراء أحزمة

وعوامات علشان منستناش العونات الخارجية

وهى دى روح المشاركة

تحياتى

علاء المصرى كل يوم يقول...

مرحبا سيدتى الفاضلة

حاجات جوايا
فى زيارتك الأولى وليست الأخيرة أن شاء الله
لو أردتى سيادتك رفع البوست وتحريرة
من على المدونة للنشر فى مدونتك
أعطيتك إياة عن طيب خاطر
يكفى زيارتك زادت مدونتى شرفاً

فاليبارك الله المسلمين
دمتى بخير حال

أنتظر الرد

أبو حميد يقول...

أنا بعت أول فصول القصة لحضرتك يا سعادة الريس على البريد الإلكترونى

عصـــــــــــام الــــديــن يقول...

طيب والله لكون ايجابى لاول مره فى حياتى وابعتها
يلا خليها تحلو
هشارك ياريس
هشتكنا وبشتكنا ياريس
انت رئيس والنعمه كويس

انا جاااااااااااااى

تحياتى

خواطر شابة يقول...

عزيزتي
بداية مدي يدك ابايعك سيادة الرئيسة ههه فأنا ولله الحمد من الشعب الحبيب المهاود ولست والعياذ بالله من المعارضين
ملحوظة قصة ثمن الاحلام يجب اتمام نقل الحلقات على مدونة الليالي ليسهل الامر على من يريد الاطلاع عليها
ان شاء الله تنجح قصة قلب كامل وتصل سفينتها هي ايضا الى بر الامان
دمت بكل ود عزيزتي

حاجات جوايا يقول...

سورى يا جماعة اتاخرت عليكم
فرح اخويا بعد بكره ان شاء الله
وطالع عينى عالاخر والحمد لله هههههه

لورنس العرب
---------------
ونعم المواطنة
انت خير مثال للمواطن الصالح
هو ده المثل والقدوة
اتعلم منه يا شعبى الحبيب واشترى حزامك من المحل اللى بيشترى منه ههههههه

تحياتى وودى

خواطر شابة يقول...

حاجات جوايا
مبروك ياحبيبتي ربي يتمم له بخير ان شاء الله

حاجات جوايا يقول...

علاء المصرى كل يوم
------------------
فكرة حلوة
انا بقترح برضه نعمل اعلان ونقول للسادة المشاهدين اتصل على 0900 تاخد عوامة ليك وعوامة هدية
اهو الناس برضه تشيل بعضها واللى هييجى من الاتصالات مش هيخلينا نستنى المعونات الخارجية :)

ألف شكر يا فندم.. ربنا يخليك
ان شاء الله هنزل بوست قريب لان الموضوع ده شاغلنى جدا ومضايقنى جدا جدا
الف شكر مرة تانية

تحياتى وودى

حاجات جوايا يقول...

أبو حميد
--------
وصلت يا فندم وكله تمام
هنزلها اول حلقة ان شاء الله
اتمنى انها تتطور بالشكل اللى يرضيك حتى لو لم تكن تتوقعه
وفى انتظار مشاركاتك القادمة ان شاء الله

تحياتى وودى

حاجات جوايا يقول...

عصام الدين
-----------
اسعدتنى جدا ايجابيتك اخى الكريم
الميل وصل بالفعل واعجبنى اسلوبك فى الكتابة بشكل كبير .. ما شاء الله

اسمح لى بتوضيح بسيط
فكرة ليالى مصرية تقوم على اساس كتابة رواية من 30حلقة تكتب انت مثلا اول حلقة منها ثم تمرر الى غيرك وغيره وغيره حتى تصل الى الحلقة رقم 30 .. كلها تدور حول نفس القصة بنفس الشخصيات ونفس الدراما باختلاف تصاعد الاحداث من حلقة لاخرى كمسلسلات التليفزيون

كل كاتب لا يعرف ماذا ينبغى عليه ان يكتب الا بعد قراءة الحلقة التى تسبقه مباشرة
وفى خلال يوم ونصف كحد اقصى يكون كتب الحلقة التالية وفقا لتخيله عن الاحداث التى يجب ان تكون وارسلها للنشر .. وتنشر الحلقات كل يومين وفقا للجدول المحدد

ان كنت ترغب فى اختيار قصة وبناء احداث عليها تصل حتى 30 حلقة فيسعدنا جدا مشاركتك .. وسنقوم بطرح القصص لاختيار من بينها من تصلح للبناء الدرامى بعد انتهاء رواية قلب كامل التى سنبدأ ان شاء الله فى عرض اولى حلقاتها فى البوست القادم غدا بإذن الله

يسعدنى جدا مشاركتك معنا فى أحداث رواية قلب كامل بالتأليف .. سأنتظر ردك وابداء رغبتك فى المشاركة بإذن الله حتى احدد لك حلقة فى جدول الليالى

تحياتى وودى

حاجات جوايا يقول...

خواطر شابة
-----------
اهلا اهلا بفخامة الرئيس السابق
منورة يا قمر المقر الرئاسى
طول عمرى بقول عنكمن الططيبين يا خوام وشعب :)
ربنا يكتر من امثالك يارب :)

اتمنى يارب انها تنجح
ومتوقعة انها هتكون احلى من ثمن الاحلام باعتبار ان ثمن الاحلام كانت اول تجربة

بالنسبة لبوست ثمن الاحلام مش هقدر اعمل فيه حاجة دلوقت .. فيه حاجات فى المدونة لازم تتظبط الاول فى الاعدادات
ان شاء الله تتعدل قريب :)


الله يبارك فيكى حبيبتى
ربنا يتتم لهم بخير ان شاء الله
متحرمش منك يا قمر كلك ذوق

تحياتى وودى

عصـــــــــــام الــــديــن يقول...

حاجات جوايا
اسعدنى جدا رأيك واسعدنى دعوتك الكريمه
انا معجب بالفكره واتمنى المشاركه
اشكرك جدا للتوضيح
واتمنى لكم التوفيق

البنفسج الحزين يقول...

سيادة الريسه ...
أنا مستعدة أشارك معاكم بس خلي
حلقتي في الأواخر يعني بعد الحلقه العشرين كده
علشان أكون فضيت وكمان رجعت من السفر
ان شاء الله وأقدر أركز واتابع معاكوا
وبالتوفيق ان شاء الله ...

حاجات جوايا يقول...

عصام الدين
------------
شكرا يا فندم لتفهمك
ولمشاركتك
اعتبر ده اتفاق عالمشاركة فى قلب كامل
يعنى تاخد الحلقة التاسعة ؟؟

فى انتظار التأكيد

تحياتى وودى

حاجات جوايا يقول...

البنفسج الحزين
--------------
تسعدنى مشاركتك حبيبتى
خلاص ان شاء الله لما انزل الجدول هعمل حسابك فى العشرينات
ربنا يوفقك يا جميل
وترجعى بالسلامة ان شاء الله

تحياتى وودى

أبو حميد يقول...

ممكن أخد الحلقة العاشرة؟

حاجات جوايا يقول...

ابو حميد
---------
ممكن جداااااااا
اتحجزتلك خلاص
:)

تحياتى وودى

حاجات جوايا يقول...

فين منار
وفتاة من الصعيد
وريتشارد قلب القطة
وسيكو هانم
وهوبتى
ونجمة فى السماء
وباشا

واللى شاركوا معانا الرواية اللى فاتت
؟؟؟؟؟؟؟؟؟؟؟؟؟

بتصيفوا ولا ايه ؟؟

ندى الياسمين يقول...

مش لازم التلاتين حلقه يا جميل

ابداي بس شغل وهاتلاقي الادوار بتتحجز عادي

يلا بقى هاتها

sony2000 يقول...

ينفع اكون معاكو ولااااااااااااااااا؟؟؟؟؟؟؟؟؟؟؟
:)

حاجات جوايا يقول...

ندى الياسمين
------------
انا بقول كده للتحميس يا ندى طبعا
:)

بس واضح ان التلاتين حلقة هيتحجزوا ان شاء الله
:)

منور يا باشا

حاجات جوايا يقول...

sony 2000
-----------
ده انتى تنورينا يا سونى
ينفع طبعا
هجزلك الحلقة 11
بس خليكى متابعة عشان لو حد اعتذر من اللى قبلك
تمام يا باشا
:)

منورة حبيبتى

عصـــــــــــام الــــديــن يقول...

اكيد انا تحت امرك
لكن انا شايف الحلقه التاسعه اتحجزت
خلاص اسيب لحضرتك تحديد الحلقه حسب المتاح
اشكرك جدا

حاجات جوايا يقول...

عصام الدين
-------------
خلاص يا فندم تمام
هحددلك حلقة تانية وانزلها فى الجدول
معلش انت اتأخرت والحلقة التاسعة اتحجزت
ولو حد اعتذر عن حلقة فى اللى قبلك هبلغك ان شاء الله


تحياتى