الجمعة، 13 أغسطس 2010

قلب كامل 11

الحلقة الحادية عشرة
بقلم سوني 2000

ذهب احمد فورا الي مكتب ابيه حيث ينتظره ومعه علياء دخل المكان متضايقا وموجها كلامه لعلياء_"مش قلتلك ماتعمليش حاجه او تقولي اي حاجه...ليه جيتي هنا ؟؟
علياء:انا قعدت استنيت كتير انك تعلن خبر جوازنا ,وياما قلتلك تقول للكل اني مراتك وانت اللي موافقتش انا تعبت من اني اكون زوجه فالسر...قلت لازم اخذ خطوه
احمد:وايه لازمه ده مش احنا اتفقنا على كل حاجة واظن انك وافقتي
كامل:يعني انت طلعت متجوز فالسر ؟؟؟ دي اخرتها؟
احمد:يابابا انا كنت عاوز..............
كامل:مقاطعا اياه.....استنى انت دلوقتي حسابك معايا بعدين
ثم ملتفتا ألى علياء:والمطلوب دلوقتي يامدام علياء
علياء:مفيش حاجه غير انه يعلن جوازنا.....دا اللي انا عاوزاه انا قلت اني لازم الجأ ليك ياعمي بعد ماحاولت اني اكلم احمد فموضوعنا وهو موش راضي يرضيك ظلم احمد ليا ياعمي
احمد:انا ظلمتك فأيه.....موش ده كان اتفاقنا و.............
كامل(مقاطعا احمد):خلاص يااحمد ثم مخاطبا علياء ربنا يسهل يامدام علياء ويقدم اللي فيه الخير

*****

كامل:ايه اللي انت عملته دا, ايه اللي ناقصك علشان تتجوز تاني نورا قصرت معاك في حاجه علشان تتجوز عليها,وكمان فالسر؟؟؟
احمد:انت عارف يابابا ان بقالي مده متجوز ولحد دلوقتي مجبتش اولاد قلت لما اتجوزها هي اللي مخلفة قبل كده يمكن اجيب اولاد منها بس كأن ربنا بيعاقبني طلع العيب لا من نورا ولا منها ...وبعد لحظة صمت أضاف انا أتأكدت من الدكتور ان العيب مني انا....
صمت قليلا وسرح بأفكاره ثم بعينين دامعتين توجه بالخطاب لوالده بابا نورا بلغتني بالتلفون من شوية انها حامل
كمال:بجد؟؟؟؟؟؟؟؟
وساد صمت رهيب في المكان

*****

كانت ريهام تجلس مع صديقتها مي التي تعرفها من ايام الجامعة في كافيه حيث تواعدا بمناسبة تحضير مي لحفل زواجها وكانت ريهام تساعدها في تحضير اللمسات الاخيره وبعد ان انتهوا وقاموا للمغادرة وعلى باب الكافيه كان محمود يترجل من سيارته ويهم بالدخول
محمود:ميييييييييين؟؟ريهام ومي ؟أزيكم وايه اخباركم
مي ضاحكه:ازيك يامحمود وعامل ايه وايه الغيبه الطويله دي؟
محمود:مشاغل الدنيا بس ثم موجها نظره لريهام بس تصدقي لكم وحشة كبيرة والله
مي:يالله يا سيدي رب صدفة خير من الف ميعاد انا فرحي يوم الخميس اللي بعد اللي جاي حأستناك تشرفني ومفيش أعذار
محمود:أعذار أكيد لا انا حأجي أكيد تم محولا بصره لريهام هو أنا أقدر برضه مجيش
ريهام(متعلثمه من المفأجاه):في امان الله ونشوفك في الفرح ان شاء الله
محمود:في امان الله ثم مغمغما بصوت خفيظ ياه كأنه حلم وبشوفه قدامي بيتحقق

*****

ريهام تجلس مع اختها وامها
ريهام:ايه اللي انتي عملتيه دا؟؟تتسرعي ليه وتروحيله فالشغل؟
علياء:مكنشي في حل قدامي غير كدا,وبعدين كنتي عوزاني اسكت يعني ولا اعمل ايه
ريهام:لا بس كنتي اجلتي الخطوه دي كمان شويه
علياء:وانتي عوزاني اجلها ليه؟؟
لم تجد ريهام اجابة ترد بها على علياء لكن في قرارة نفسها كانت تردد " يعني من بين كل الناس ياعلياء ملقتيش غير اخو محمود اللي تتزوجيه فالسر"

*****

عاد أحمد الى البيت في غير موعده المعتاد كانت نورا تنتظره بفارغ الصبر والفرحة تتراقص في عينيها فتحت له الباب وفوجئت بشكله العابس لتقول
نورا:مالك يااحمد وشك جايب الوان ليه......هو انت موش مبسوط ولا ايه
احمد:نورا انا عايز اعترفلك بحاجة كنت مخبيها عليك انا كشفت عند دكتور وعملت تحاليل والنتيجة طلعت وكانت اني مبخلفش
نورا:ايه الكلام اللي بتقولو ده؟؟معناه ايه الكلام دا ؟؟
احمد:معناه اني موش هخلف ابدا؟؟وحضرتك حامل؟يبقي من مين
نورا منهارة :انت بتقول ايه؟انا عمري ماخنتك ابدا ولا فكرت؟انا استنيت اليوم دا بفارغ الصبر ولما عرفت النتيجة الفرحة مكانتش سايعاني وكنت اول واحد جه في بالي اني افرحه وانت دلوقتي رد فعلك ايه تيجي تموت فرحتي وتيجي تقولي كدا؟؟انا موش هقعدلك فالبيت ولا تانية ومش حأسمح لك تشكك في اخلاقي ولو للحظة وبيني وبينك القانون ياأحمد هو اللي حيثبث اللي في بطني ابن مين بس ساعتها مش حأخليك تشوف شعرة منه وحتندم على كل الكلام اللي انت قلتهولي وتركته واقفا ودخلت لغرفة النوم وصفقت الباب وراءها وبدأت في جمع ملابسها في حقيبة
ارتمى احمد على أقرب اريكة له وكلام الدكتور يتردد في رأسه " للاسف يا استاذ احمد انت مش ممكن تخلف ابدا مش ممكن ....مش ممكن.....مش ممكن ....
ظل صدى هذه الكلمات يتردد يتخلله صوت نورا أحمد انا حامل....حامل.....حامل....

*****

جلس احمد في مكتبه بعينين منتفختين من اثر السهر فهو لم ينم منذ يوم امس منذ غادرت نورا البيت بالنسبة اليه يوم امس كان كابوسا بكل معنى الكلمة بدأ بخبر المفترض ان يجعله أسعد مخلوق على وجه الارض لكنه ويا للغرابة جعله أتعس مخلوق على وجهها ألا وهو حمل نورا ليكتمل بزيارة علياء للشركة وانتهى بمغادرة نورا للبيت وفيما هو يسترجع ذكريات هذا اليوم رن جرس تلفونه
ألو مين معايا
أستاذ أحمد معاك عيادة الدكتور جواد اختصاصي الامراض التاسلية والعقم حضرتك لازم تمر علينا في العيادة لامر ضروري وهام وعاجل ايضا
أحمد: خير ان شاء الله
المتصل : كل خير ان شاء لما تشوف الدكتور حيشرح لك كل حاجة
أحمد :حاضر انا جاي حالا مسافة السكة

الحلقة القادمة بقلم
حنعيش يعني حنعيش

هناك 14 تعليقًا:

خواطر شابة يقول...

سوني 2000
اخيرا التقت ريهام ومحمود فلننتظر ماذا سيحصل بينهما
تعاطفت مع احمد بشدة فهو بين نارين وايضا هو معذور في شكه فلننتظر ماذا سيحصل في عيادة الطبيب والى ماذا ستتطور الامور
تسلم الايادي عزيزتي ودمت بكل ود

خواطر شابة يقول...

ما كل هذا الغياب الم يعد هناك من يتابع الليالي????!!!

حنعيش يعنى حنعيش يقول...

حليتيها بسرعة ياسونى ... بس اسلوبك جميل وطريقتك فى السرد حلوة .. تسلم ايدك ...
خواطر ... معلش ياريسة ... رمضان والمسلسلات بقى .... واسأل مجرب .. يومين وحيجيلهم تخمه من الاكل والمسلسلات ويرجعوا تانى

أحمد عبد الحميد يقول...

سونى 2000
تسلم إيدك الحلقة حلوة

أحمد عبد الحميد يقول...

خواطر شابة
فعلا الناس إختفت
شىء محبط شوية

خواطر شابة يقول...

هل نتوقف الى ما بعد رمضان هو اقتراح فرضته قلة المتابعة ما رأيكم

خواطر شابة يقول...

دكتور اسلام
يظهر كان عندك حق لما اقترحت التوقف خلال رمضان اكتشفت ذلك متأخرة للاسف
دمت بود

sony2000 يقول...

عااااااااااااااااااااااا
يعني اجي اكتب حاجه
مفيش حد يشوفها؟؟
اهئئئئئئئئئئئئئ

حنعيش يعنى حنعيش يقول...

قرار جمهورى ... اعلان الاحكام العرفيه ... وحظر التجول والنشر الى مابعد العيد ... عادى ياجماعة ... من غير احباط ولا اهئئئ ياسونى ... والريسة حتنزل بوست بدة ... وكل سنه وانتوا طيبيين ويارب يكون اللى شاغلنا العبادة مش التمثيليات

أبو ريان يقول...

سوني 2000
ماعاش اللي ما يقرا لك..
حلقة جميلة تجعلنا نترقب الأحداث المقبلة تسلم يديك
بجد أسلوب رائع ومشوق
دمت بألف خير

ستيتة يقول...

لع وألف لع
مش معنى ان كان فيه عزايم اننا مجرناش يا خلج
احنا بس سلتنا ايدنا من المطبخ وجينا لليالي جري
دي القصة دي شداني جدا جدا
وتسلم ايدك يا سوني
تحفة يا حبيبة قلبي

ملحوظة
اللهجة الصعيدي لزوم الفرجة على مملكة الجبل وذئاب الجبل ويا طالع الجبل من فوج ودمتم لنا :)

حاجات جوايا يقول...

حلقة هاااااااايلة يا سونى
ايه المواهب المدفونة اللى عندنا دى يا ولاد
تسلم الايادى يا جميل
:)

sony2000 يقول...

بجد عجبتكم:)
طب الحمد لله

أع ـقل مـ ج ـنـونــة يقول...

تحففففففففة بجد يا سوووني
انا هتابع الموسلسل معاكو :D

تسلم ايديكي ياقمري