الاثنين، 9 أغسطس 2010

قلب كامل 9

الحلقة التاسعة
بقلم خواطر شابة

أثناء جلوس ريهام مع أحمد في مكتبه اذا بباب غرفة مكتب أحمد يفتح ويدخل عليهم الساعي حاملا معه الشاي الذي كان أحمد قد طلبه لريهام
أحمد: نورتيني با ريهام ولو انها مش عادة انك تزوريني خير ان شاء الله أي خدمة أنا تحت أمرك
ريهام بارتباك: لا كل خير يا استاذ احمد انا عرفت بالمشكل اللي حصل بينك وبين علياء فحبيت اني أتدخل وأوفق بينكم لآن علياء بتحبك اوي ومتقدرش تستغني عنك
أحمد: خلاص ياريهام كانت سحابة صيف وعدت خلاص احنا خلاص رجعنا لبعض هي لسه مقلتلكيش ولا ايه
ريهام: لا لسه أما أشوفها طيب وهي الاخبار الحلوة بتستخبى
أحمد: ابقي كلميها وهي تحكي لك بنفسها
قامت ريهام مودعة وهي تقول لنفسها:" انا معرفتش حاجة عن محمود يعني كأنك يا أبو زيد ماغزيت بس ازاي حسأله كده من غير مناسبة"
أحمد وهو غير منتبه لشرودها "كان نفسي أقولك اقعدي وقت أطول بس انا مرتبط لازم اروح المطار استقبل اخويا جاي من المانيا النهاردة أنا أسف"
ارتسمت ابتسامة كبيرة على وجهها اخفتها بسرعة كي لا يلاحظ احمد ذلك وهي تغمغم "يوصل بالسلامة ان شاء الله"

*********

في صالة المطار كان كامل مع افراد اسرته في انتظار محمود حضر الجميع محمد ومها أحمد ونورا ومنى وحسام لكن كان الجو العام مكهربا جدا فنورا ومها لايكلمان بعضهما تماما في حين انزوى أحمد في ركن دون ان يكلم احدا ونفس الامر بالنسبة لمحمد الذي ظل يذرع صالة المطار جيئة وذهابا من فرط توتره وحدهما منى وحسام من كانا على وفاق وكان هذا واضحا من ابتساماتهما المتبادلة وكلامهما الهامس في حين كامل كان يفكر في أمنية ويتسائل "ياترى ياامنية حكايتنا حتخلص على ايه العمر بيعدي ومعادش فيه قد اللي راح" أيقضه من تفكيره صوت منى وهي تنادي "محمود أهه محمود محمود احنا هنا يا حبيبي"

**********

دق جرس الباب في شقة امنية ففتحت ابنتها داليا لتجد محسن امامها مبتسما وهو يحمل باقة ورد في يده فقال لها وهو يرافقها الى الصالة "ياحبيبتي الدنيا رجعت ضحكت لنا تاني خلاص انا لقيت الشريك اللي حيساعدني في اني أوفي بعقودي اللي مع الشركة اللي برا بس انا مستغرب ان الشريك ده هو اتصل وعرض الشراكة معايا رغم انها شركة كبيرة ومفيش تعامل سابق بيني وبينهم حاجة تحير صحيح" ضحكت زوجته وهي تقول : "واحنا مالنا يامحسن احنا لينا اننا خلصنا من الورطة الكبيرة اللي كنا فيها" غمغمت أمنية التي كانت واقفة غير بعيد عنهما تسمع حوارهما في نفسها " البركة في كامل ياترى ياداليا يابنتي لما تعرفي الموضوع واني يأفكر ارتبط بيه ياترى موقفك انت واخواتك حيكون ايه " قبل أن ترفع صوتها موجهة حديثها لهما معا: "يالله ياأولاد مش مشكلتكم اتحلت يبقى خلاص ليكم بيت تتسايروا فيه " قبل ان توجه حديثها لمحسن: " يامحسن ياأبني خذ مراتك وأولادك واتعلم الدرس وبلاش طمع ياحبيبي" أجابها محسن مبتسما" خلاص ياحماتي غلطة ومش حتتكرر تاني"تم مخاطبا زوجته: "يالله ياداليا حضري شنطتك وهاتي الولاد عشان تنوري بيتك من تاني"

الحلقة القادمة بقلم أبو حميد

هناك 27 تعليقًا:

خواطر شابة يقول...

انا كتبت الحلقة اليوم ومنذ وقت قصير فقط لان علاء المصري كل يوم لم يظهر له اثر رغم نداءاتي المتلاحقة له لذا كتبت هذه الحلقة على عجل انقاذا للموقف
دمتم بكل ود

حنعيش يعنى حنعيش يقول...

والله ياريس انت خساره فينا ... احنا شعب عنده مشكله فى تحمل المسؤليه ... وخلل فى ثقافة الاعتدار واحترام الاخر ...عموما حتى وانت بتنقدى الموقف ... كاتبة من النوع الثقيل
ارجوا الاطلاع على ايميل معاليك

خواطر شابة يقول...

دكتور اسلام
من فضلك غير الجدول وألغ حلقة الاستاذ عصام فهو اعتذر مشكورا ملتزما بقواعد الدستور بحيث اعتذر قبل مدة من دوره عن كتابتها لانشغاله بالسفر
دمت بكل ود

خواطر شابة يقول...

حنعيش يعني حنعيش
ياسيدي خلينا نحسن الظن ونقول الغايب حجته معه
سعيدة ان الحلقة أعجبتك
اطلعت على الايميل وبعثث لك اجابة عليه
دمت بكل ود

shimaa elkholy يقول...

وانا باقول ياربي هى كانت خواطر الى عليها الدور وانا مش واخده بالي

عموما زي ما قالك الدكتور اسلام

انت خساره فى الشعب يا ريسه

تمام الحلقه يا جميل اخر تمام تسلم اديكى

واتمنى من الجميع الالتزام يا جدعان بلاش رخامه بقى

أبو ريان يقول...

تسلمي يا خواطر
أنا سعيد أنك أنت من كتب هذه الحلقة... لقد أمتعت وأبدعت وأنقدت الأحداث..
حلقة منطقية و رائعة للغاييييييية
الليالي مدينة لك بالشكر...

خواطر شابة يقول...

ندى الياسمين
عزيزتي سعيدة ان الحلقة نالت اعجابك واضم صوتي لصوتك في طلب الالتزام من المشاركين وحتى من حصلت له ظروف فليعتذر قبلها بوقت مثلما فعل عصام الدين الذي اعتذر عن حلقته لظروف سفره
عزيزتي لو انت عندك الامكانية الرجاء غيري الجدول والغ حلقة عصام الدين هو اعتذر لظروف السفر
دمت بكل ود

خواطر شابة يقول...

ابو ريان
كنت واثقة ان الحلقة ستعجبك اعرف انك ستفرح ان الباب حين فتح في مكتب احمد لم يكن محمود هو الطارق ههه
انا حاولت في هذه الحلقة عدم خلق لااحداث ولا شخصيات جديدة فقط تطوير ماهو موجود بهدوء وواقعية
دمت بكل ود وتهلا فراسك بزاف

أبو ريان يقول...

أنا أسجل نفسي في الحلقة التي تلي حلقة ريم
لم أقل الحلقة 18 لأنه مع انسحاب عصام قد يتغير ترتيب الحلقات
شكرا مرةأخرى خواطر مع تقدمك للرئاسة وكتابة الحلقة التاسعة بدل علاء المصري أنت بطلة الليالي

أحمد عبد الحميد يقول...

سعادة الرئيس(ة)
مش عارفين من غير سعادتك كنا عملنا إيه
الحلقة حلوة وماصعبتش عليا الموضوع
الحلقة بتاعتى حتكون عندك بكره الصبح يافندم
تمام كده؟

خواطر شابة يقول...

دكتور اسلام
اظهر وبان عليك الامان
نحتاج ان نضع تغييرات على جدول الليالي
الحلقة 12 لعصام الدين الغيت وسنسجل ابو ريان في حلقة جديدة بعد ريم مباشرة
المرجو اتخاذ اللازم فأنا لا يمكنني ذلك
دمت بود

خواطر شابة يقول...

ابو ريان
علم وينفذ ان شاء الله الحلقة بعد ريم لك ان شاء الله
دمت بكل ود

خواطر شابة يقول...

ابو حميد
تمام يا افندم
بانتظار الحلقة تقبل وافر احترامي
دمت بكل ود

أحمد عبد الحميد يقول...

أبو ريان
معلش على الرخامة بتاعتى بس إنت كان عندك غلطة فى حلقتك فى إسم أحمد الثلاثى.. هو إسمه أحمد كامل محمود مش أحمد كامل مصطفى

خواطر شابة يقول...

ابو حميد
صح عندك حق بالرجوع للحلقة الاولى نجد هذه الجملة "مشروع زى ده ماحدش حيملا عينه غير وجود المهندس كامل محمود للتوقيع شخصيا" سيتمتغيير الاسم وتصحيحه في حلقة ابو ريان
ليه بتسمي ملاحظة في محلها رخامة بالعكس القصة كوليد لنا جميعا وكلنا لدينا الرغبة في أن يشب في أحسن حال فلا تتردد ابدا في ابداء اية ملاحظة
دمت بكل ود

خواطر شابة يقول...

دكتور اسلام
ده ايه الرئيس ده اللي ملهوش اي صلاحيات لاأقدر اعدل الجدول ولاأضيف عليه حاجة جديدة ولا اقدر اصلح اخطاء بدت في حلقات قديمة
شوفلك حل في الموضوع وخليك كما كنت دائما شعبي الحبيب المهاود هههه

أبو ريان يقول...

أبو حميد
أعتدر عن غلطي في الإسم الكامل أرى أن خواطر سوف تصحح الخطأ
أنا أرى أنك في كل تعليق وملاحظة تحاول أن تبدي أسفا مبالغا فيه.. نحن هنا نتكاثف جميعا لننشيء عملا جماعيا خاليا من كل عيب كأننا نربي طفلا نرجو أن يكون في أحسن حال ولذلك نبدي آراءنا وملاحظاتنا.. وأعتقد أنك أكثر واحد معني بهذا الأمر كون القصة كانت وليدة أفكارك ..
رغم ذلك فأنا أقدر طريقتك الراقية في إبداء آرائك
حلقة موفقة
تحياتي

ماكانش يوم لما إدتنا القصة دي عشان تفضل تأطم فينا كل يوم
هههههههههه {دا اللي انتا خايف لنقولو؟؟}

هههه دمت بخير

shimaa elkholy يقول...

اوك يا ريسه عملتلك الجدول

بس شوفي بقى انا عملت ايه

ما رضيتش اغير التواريخ عشان الناس الى اخدين خبر بمواعيدهم مايتلخبطوش وعليه انا دبست الدكتور اسلام فى حلقة استاذ عصام

وهابلغه دلوقتي بالميل


وكمان انا دلوقتي اديتك صلاحيات الاداره كامله تقدري تعملي الى انتى عايزاه يا قمر
مش تنبهينى يا جميل

ستيتة يقول...

كل عام وانتم جميعا بخير
ياترى ابو حميد ها يعمل ايه الحلقة الجاية بصفته مخترع البداية؟
ايد على خد وعينين رايحة جاية مستنية

خواطر شابة يقول...

ندى الياسمين
خيرا عملتي انك مغيرتيش التواريخ كده كل واحد يكون محتفظ على الموعد اللي كان عامل حسابه عليه وان شاء الله دكتور اسلام يوافق على كتابة الحلقة 12
عزيزتي انا كنت أمزح بخصوص الرئيس بغير صلاحيات انا اصلا طلبت منك في تعليق سابق ان تقومي بالتعديلات المطلوبة على العموم هكذا افضل شكرا لك
دمت بكل الود عزيزتي

خواطر شابة يقول...

دكتورة ستيتة
ايد على خد وعينين رايحة جاية مستنية ههه ده حالنا جميعا عزيزتي على رأي حاجات جوايا كلنا مستنيين الجرعة
دمت بكل ود

حنعيش يعنى حنعيش يقول...

بقى لو انا الرئيس كان حيقدر حد يدبسنى ... ماشى ... سألوا جحا هوه موج البحر قد ايه .... قال الجيات اكتر من الريحات ...

أحمد عبد الحميد يقول...

خواطر شابة
----------
لو عايزة تحشرينى فى النص بدل دكتور إسلام أو بدالك ماعنديش مانع خالص
يارب حلقتى تعجبكم
عين بتبرق وحواجب مرفوعة وإبتسامة شريررررررررة

أحمد عبد الحميد يقول...

هى sony 2000 فين؟ يارب ماتدعيش عليا فى أول رمضان علشان هى اللى حتكتب بعدى
نياهاهاهاهاهاهاه

خواطر شابة يقول...

انا لاني اخذت جرعتي فأقول لك اني متأكدة وأبصم بالعشرة انها حتعجبهم
شوف انا حأحجز لك الحلقة 19 لو موافق قول وانا اضيفك على الجدول
سوني 2000 بعد نشر حلقتك حأعمل عليها سيرش وأحط نداء على البلوجر لحد ما الاقيها
دمت بكل الود وتسلم الايادي

أحمد عبد الحميد يقول...
أزال المؤلف هذا التعليق.
أحمد عبد الحميد يقول...

موافق طبعا يا ريسة
كل سنة وكلكم طيبين