الأحد، 10 أكتوبر، 2010

قلب كامل 21

الحلقة الواحدة و العشرون

بقلم حنعيش يعنى حنعيش

كامل وعلياء يجلسون فى النادى على احدى الترابيزات وخلف ملعب التنس ..

.كامل : انت ياعلياء زى بنتى ..

علياء : اكيد يا عمى مش ان مرات ابنك ...

كامل : ايوه احمد الله يكون فى عونه مش حيرجع زى الاول ... الدكاتره قالوا لى انه مش حيقدر يخلف تانى ... الحمد لله ان مراته طلعت حامل ... ربنا دايما بيعوض ... وكل قضى وفيه لطف ...

علياء : انت بتقول ايه ياعمى ... يعنى ايه مش حيرجع زى الاول ..

كامل : والله يابنتى دى الحقيقة ... الى مخبيها على الكل ... بس انت مراته ولازم تعرفى ...خصوصا انك لازم تشاركى فى رعايته

علياء : طبعا طبعا ياعمى

كامل : انا قولت ان انت بنت اصيله ... بس طبعا احمد مش حيقدر يتنقل بينك وبين مراته ... يبقى احسن حل انك تتنقلى وتعيشى معاهم فى الشقة ... خصوصا انى مش حأسمح انك تقعدى فى شقتكوا لواحدك ... مايصحش طبعا ....ولا ايه ..

علياء : طبعا ياعمى انا اخدم احمد بعنيه .. دا الانسان الوحيد اللى حبيته فى الدنيا ... بس ياعمى مش شايف ان حكايه انى اعيش معاهم دى صعبه شويه .. محدش حيرحب بيه ..

كامل : مين قال ده يابنتى ... خلاص جوازكوا بقى امر واقع .. وبعدين دا شىء عادى ان الواحد يعيش مع الى بيتجوزهم فى بيت واحد ...

علياء : بس بصراحة .. انا ماقدرش اعمل كدة ... ماينفعش ..

كامل : بصى يا علياء يابنتى ... انت صعبانه عليه ... حياتك كده اتدمرت ومش حينفع ترجع تانى زى الاول ... يعنى لا جوز سليم .. ولا ابن ولا بنت ... ولا انت متجوزة ولا انت حرة ... داغير اللى حتشوفيه من احمد من غيرة وقسوه بعد اللى حصل له ,,, انا نفسى يابنتى اعوضك على حظك القليل فى الدنيا ...

علياء : وحتعوضنى ازاى يا عمى ؟

كامل : بصى حأديكى ميت الف جنيه وتسيبى احمد وتروحى تعيشى حياتك وتفرحى بشبابك

علياء : وارجع اسكن مع ابويا وامى فى المكان اللى كنا ساكنين فيه دة بعد ما اتعودت اعيش فى الكمبوند ...

كامل : ماهو يابنتى انا ماكملتش كلامى ... الشقة بتاعتك حتتكتب باسمك

علياء : وارجع بقى ادور على تاكسى ولا اركب مواصلات

كامل : والعربيه ياعلياء حتتكتب باسمك ...

علياء : يعنى العربية والشقة ومتين الف جنيه ...

كامل ... ومتين الف جنيه... ماشى ميتين متين وده اللى عندى ... ولو ماخدش رد دلوقت ... انسى كل اللى قولتهولك وحضرى شنطتك علشان حابعت لك السواق باليل يجيبك على شقة احمد ..

علياء : بس احمد حيقول عليه ايه ...

كامل : مالكيش دعوه با حمد انا حتصرف معاه ...بكره الصبح المحامى حيخلص كل حاجة ... اتفقنا

علياء : اتفقنا

**************************

حسام ومنى يجلسون على السفرة وهم يتناولون طعام الغداء .... منى : شوفت اللى حصل لجوز نادين صاحبتى ...

حسام : مين نادين ...

منى : نادين اللى جوزها مدير بنك كريدى اجريكول

حسام : ماعرفهاش .. المهم ايه اللى حصل له

منى : مش ساب الشغل وقاعد فى البيت دلوقت

حسام : وليه ماشافش شغل تانى ... مش انت بتقولى مدير بنك اجنبى ... يبقى اكيد خبرة

حسام : ماهو ماحدش عايز يشغله سمعته بقت وحشه خصوصا انه لعب فى حسابات العملاء ...

حسام : وايه اللى يخليه يعمل كدة ...

منى : الحب ياسيدى ... صدق ان فيه واحدة فى دور بناته حتحبه علشان نفسه ...

حسام وقد توقف على الاكل ولم يرد بأى كلمه ولاحقته منى ... مالك ياحسام .. الاكل مش عاجبك

حسام : لا ابدا ببس باكل على مهلى علشان استطعم

منى : بالهنا والشفا .. بس باسيدى ... كل الحكايه ان كان فيه بنت متعينه فى الدفعة الاخيرة اللى اتعينت فى البنك ... البنت لسه بقى صغيرها وشايفه نفسها انت عارف بقى البنات بتوع اليومين دول ... لفت عليه وقالت له انت لسه شباب .. وانت اصغير ... وانت مكبر نفسك كده ليه ... دا كل صحباتى بيموتوا عليك ونفسهم يتجوزوا واحد زيك ... وخلى بالك من نفسك ... وماتنامش فى التكييف ... وسوق بالراحة ...وايه ده دا احنا ميولنا واحدة ... وذوقنا واحد ... ايه ده حتى فى القهوه ...بنشربها زى بعض ...حسام الاكل وقف فى زورة وكان حيشرق

منى : خد ميه ياحبيبى على مهملك ...شرب احمد وقال : ماهو يمكن تكون بتحبه بجد

منى : اه منكوا يارجاله بتدافعوا عن بعض وعاملين نفسكوا فاهمين كل حاجة وانتوا احسن ناس يتلعب بيكوا

حسام : مش فاهم

منى : يابنى ماحدش بيفهم الست اللا ست زيها ... العمليه واضحة خالص ... بنت وصوليه عايزة تطلع على كتافه ... وراجل بقى فى السن الخطر ... مرحله ازمة منتصف العمر ... بعد ماتعب فى حياته وحقق نجاحاته .. بدأ يفكر ييلحق حاجة من شبابه اللى راح ... يعنى القصة لا فيها حب ولا ينفع حب من اصله ... كل الحكايه شويه كلاكيع نفسيه وبتصحى عادى .. بس الشاطر اللى يلحق نفسه قبل مايغرس زى جوز نادين ويخسر احترامه لنفسه واحترام الناس ليه ويخسر بيته وعياله ومستقبله بص انا عامله لك كريم كرامل من اللى بتحبه ثوانى اجيبهولك من التلاجة .........

*********************

مها جالسه امام شاشة التليفزيون .. والساعة تدق الثانيه بعد منتصف الليل ... يدخل محمد من باب الشقة يبدوا عليه الارهاق ... يسقط بجانب مها على الكرسى وهو يقول : مت النهاردة خالص ... ما اعدتش دقيقة ....

مها : معلش

محمد : مالك ...

مها : مالى ... عاجبك اللى انت فيه ده .. طول النهار والليل شغل شغل شغل ... هوا انا وعيالك ملناش حق عليك ...

محمد : ازاى بس يا حبيبتى... هوه الل انا باعمله ده كله علشان مين مش علشان .....

مها مقاطعه :علشان اخواتك

محمد : ياشيخة حرام عليكى ...

مها : حرام عليك انت ... انت اللى شايل الهم ... وهما ... الفلوس اللى عايزينها توصل لغاية عنهم ...ولا ناسى اتصرف على محمود اد ايه فى السنين اللى قعدها يتعلم برة ... مش كل ده من تعبك وشقاك ..

محمد : لا يامها ... كان بيتصرف عليه من فلوس ابوه ..

مها : ماقولتش حاجة بس مين اللى كان شايل الشغل ومشاكله ... وبعدين كله عايز يستريح على حسابك ... حتى عمى ... عايز يتجوز ويريح ... مافيه اللى شايل وسايب مراته وحتى عياله مابيشوفهومش ....

محمد : خلاص حاخد اجازة اسبوع ونطلع نتفسح لنا يومين ...

مها : ايوه ايوه ... اضحك عليه بفسحه ...

محمد بزهق : مها قولى انت عايزه ايه على طول

مها : انا مش عايزه ... بس بصراحه كده مش حاسه معاك بالامان ....

محمد باستسلام : واوفر لك الامان ده ازاى ...

مها : شوف انت بقى

محمد بانهيار : اكتب لك الفيلا باسمك مش كدة ...

مها : والله انت اللى قولت

محمد وهو يحاول ان فتح عينيه : حاضر ... بكرة ولا بعدة حاخلى المحامى يعمل الاجراءات ... ممكن انام بقى

مها : طاب احضرك العشا ...

محمد : مششششششششش ....ونام ... وبهدومه

الحلقة القادمة

بقلم

امير الحب

هناك 34 تعليقًا:

ستيتة حسب الله الحمش يقول...

كده برضه يا دوك
زعلتني
ده لو كتب للولية دي الفيلا يجي لي هارت أتاك
لأ خلاص انا زعلانة خالص :)
بهزر طبعا
ابداع عقلك وانت حر فيه

منى : خد ميه ياحبيبى على مهملك ...شرب احمد وقال : ماهو يمكن تكون بتحبه بجد

تصحيح
حسام مش احمد
علشان بس تاخدوا بالكم انا شغالة ديسك التحرير وباكل من بيتنا

تحياتي

حنعيش يعنى حنعيش يقول...

ستيته :
صحيح ... استاذ جامعة ... مابيفتهوش حاجة... بس صحيح ايه اللى خلانى اكتب احمد ...يمكن علشان يكون صعبان عليه ...
تحياتى

أبو حميد يقول...

حلوة الحلقة يا دكتور إسلام
أنا عندى تحفظ واحد.. موضوع حوار كامل مع علياء, لو هو بيتكلم صح عن أحمد حزعل على أحمد واللى حصله ولو هو بيعمل كده علشان علياء تسيبه حزعل من كامل لأنه طول عمره راجل دوغرى وحقانى

:)

أبو حميد يقول...

يا جمااااااااااااعة أنا حصل إختراق للميل بتاعى.. أى حد يجيله لينكات من عندى ما يفتحهاش
وأرجو أى حد يبعتلى ميل خواطر شابة لأنى جالى ميل منها (الميل بتاع مدونة ليالى مصرية) فيه حاجات غريبة .. علشان كده عايز أبعتلها علشان أطمن عليها

الموضوع مهم جدااااااااااا

حاجات جوايا يقول...

يسلموا عالابداع يا دوك
بس علياء دى طلعت اى كلام
وبتاعة فلوس وبس
وكانت بتشتغلنا وبتقول متقدرش تتخيل حياتها من غير احمد

يسلم قلمك يا فندم

حاجات جوايا يقول...

ابوحميد
.......
خواطر شابة مسافرة الايام دى
واحتمال يكون ايميلها تعرض لاختراق اواتفيرس ولما انت فتحته فيرسلك ميلك

ياريت يا نوجا تغيرى الميل لما تشوفى التعليق
ولو عايزةالميل بتاعى اديهولك لو مش عندك ميل تانى

ترجعى بالسلامة يا قمر

حاجات جوايا يقول...

ابو حميد
.........
عنوان رسالة خواطر اللى جاتلك كان
i need your help
مش كده
لقيتها عندى بس مفتحتوش لسه
واكيد هيوصلنا كلنا

خواطر شابة يقول...

ابو حميد انا مسافرة الان دخلت للنت وحاولت افتح اميلي ومعرفتش ولما دخلت هنا شفت تعليقك ومعرفش اعمل ايه ولا ايه اللي بيتبعث باسمي
لو عندك حل للموضوع ده ياريت تدلني عليه

خواطر شابة يقول...
أزال المؤلف هذا التعليق.
خواطر شابة يقول...

من مدة كانت جاتني رسالة عى الميل وقالوا لي احنا yahoo وبنعمل تحيين للبريد الاليكتروني للمنخرطين جاوبي على الاسئلة وطلبوا اسم البريد والرقم السري وانا من غبائي صدقت انه الياهوو وجاوبت بكل صدق لانه قالو انه لو مبعثثش جواب حيوقفوا الميل وادي النتيجة

خواطر شابة يقول...

حاجات جوايا
عزيزتي أعمل ايه انا في اللي حصل ده والمشكلة اني معرفش حتى بيثبعث ايه من ايميلي شوري عليا

حنعيش يعنى حنعيش يقول...

ثانيا: ربنا يبعد عنكوا الفيروسات
اولا : انا رايى يا ابو حميد ان مافيش حد فى الدنيا دى على طول دوغرى ... ولا حد فى الدنيا على طول بيلف ويدور .. انا شايف ان احنا زى البندول شويه هنا وشويه هناك ... نص ملاك ونص شيطان ... ومحدش عارف ولا حد حيعرف ممكن الانسان ده يكون ايه بالظبط

خواطر شابة يقول...

دكتور اسلام
علياء فاجئتني بماديتها انا لم أتصورها أبدا كذلك هي تحب احمد فعلا وهذا كان واضح في الحلقات الاولى عند بداية ظهور الشخصية يجب على من يكتب بعدك ان يبرر هذا التغيير ان كان قرارها هو قبول عرض كامل
تصرف منى دائما موزون هي دي الستات العاقلة ولا بلاش
مهاما حدث متوافق تماما مع شخصيتها التطلعية وطمعها
يسلم قلمك يا دكتور

خواطر شابة يقول...

دكتورة ستيتة
خلاص يا حبيبتي لما يجي علي الدور سأشفي غليلك من مها ولا أقولك ليه متكتبيش انت حلقة والله حتشرفينا فكري وقرري
أحبك في الله

sony2000 يقول...

عوذيييييين نشوف التكتيييييييييييك بقي
بجد تسلم ايديكوووووو
انا فضيييييييت اهوووووووووووو:)

أبو حميد يقول...

أنا بضم صوتى لصوت خواطر شابة
وبطالب وبمنتهى القوة
الدكتورة ستيتة
بكتابة حلقة فى قلب كامل

والموافق يرفع يده

موافقة

حنعيش يعنى حنعيش يقول...

موافق ...
نرجوا نحن شعب الليالى من سمو الاميرة ستيته حسب الله الحمش التكرم والتعطف بكتابه الحلقة نزولا على رغبه شعب ليالى مصريه ...ولكم جزيل الشكر والعرفان

وفقكم الله ورعاكم فيما فيه خير البلاد والعباد

ستيتة حسب الله الحمش يقول...

إحياة النبي لو مكنش امير الحب كتب اكتب
لازم أروق الحلقة بتاعة الأستاذ الباشا صاحب اليد الطولى في تحليل المجتمع
د. اسلام :)
كمان علشان متغاظة اند مفروسة
انتوا عارفين يعني ايه اجتماعين للهنود الحمر في يوم واحد؟
عارفين انا شفت كم نفاق وغرض والغرض مرض وتطبيل وحزمني يا قد ايه؟
بعيد عنكم
ها أطق من جنابي يا ناس

موافقون ولو امير الحب كتب يبقى نشوف الدور
اصل
اصل
اصل
الأحداث دلوقتي عملا لي ارتشاح في معاميعيييييييييييييييييييي الإبداعية

أبو حميد يقول...

الدكتورة ستيتة بتطلب إنها تكتب الحلقة الجاية

برجاء الرد سرييييييييعا من الرئيس الحالى (اللى معرفش هو مين) ومن أمير الحب

ردوا يا رجاااااااااااالة

حنعيش يعنى حنعيش يقول...

الرئيس الحالى مسافر ياجدعان ... وعندنا فراغ دستورى ... فاسمحولى .. اعمل فيها رئيس مؤقت ... واخد راى امير الحب ... لو يتكرم ويتنازل عن دورة فى الحلقات للدكتورة ستيته علشان تفش غلها يبقى كتر خيرة ... وان ماوافقش ... مافيش حد يقدر يلومه ... بس انا عارف انه حيوافق ... دا امير الحب ياولاد يعنى عاطفى وحنين ويبدى الناس على نفسه ... ولا ايه يا امير الحب ...رد عليااااااااا

أبو حميد يقول...

دكتور إسلام -ريسنا-
ياترى اللى حيبعت حلقة يبعتها على أنهى ميل؟
الميل الموجود هنا ده بتاع خواطر شابة اللى إتسرق
صح؟

حنعيش يعنى حنعيش يقول...

ربنا يرحع لينا ريستنا بالسلمه وهيه اللى تباشر مهم الرئاسه ... بس عموما ده الايميل بتاعى ...احتياطيا يعنى
dr.islam365@gmail.com

reem يقول...

دكتور اسلام
الحلقة عجبتنى جدا جدا جدا
خاصة انى حسيت ان حضرتك فهمت قصدى في الحلقة بتاعتى لما قلت ان علياء وافقت على طلب احمد انها تبطل تيجى له المستشفى وكنت فعلا اقصد من كلامى انها حد بياخد احمد بالراااحة اوى لان لها اهداف اخرى مادية وان حبها لاحمد مش هو الاساس زى ما الكل فاكر

يمكن حتى دكتور ستيتة قالت في تعليقها على الحلقة بتاعتى انها مستغربه من علياء وسماعها لكلام احمد وخضوعها وانا وقتها الوقت مش اسعفنى ارد بس كنت هاقول لدكتور ستيته انها وافقت لان في رأسها ماهو اهم من انها تعمل ضرة وتعمل مشاكل

الحلقة جميلة يا دكتور ومنطقية جدا وواقعية

اللى مفرحنى جداااااااااااااا
ان دكتور ستيتة هاتنور الحلقات وتشرفها بكتابتها احدى الحلقات
بجد مبسوووطة علشان الخبر دا اوى
لاننا بنستفيد منك يا دكتور ستيته وبنستمتع في نفس الوقت بكلامك ورأيك

انا في انتظار الحلقة بفارغ الصبر

amirelhob يقول...

يا جماعه انا بالفعل ارسلت الحلقه لكن عاد الى ورد الحلقه ومعاه لينكات تصفحتها تسببت لى فى مشاكل كبيره فى اختراق بعض اميلاتى الخاصه وبعد ذلك ارسلن ليا العديد من الرسائل التى تحمل بعض الكلمات الغير لائقه من اميلات كثير

ولذلك قمت بعمل اكثر من اميل وتم اختراقهم فى اقل من ساعه وربما يكون ذلك اختراقا لجهازى لذلك انا الان لا اعرف كيف ارسل الحلقه وعلى اميل مين وارجو

ان لا يرى احد متخاذل فكل هذا حدث لظروف خارجا عن ارداتى

انا بحاول مع احد الناس الخبيره فى موضوع الهكر استرد تانى اميلى

ارجو الرد على تعليقى فى اسرع وقت كى افهم كيف الارسال ومتى وكيف التواصل ومع من ؟؟؟

بتمنلكم يا رب التوفيق ...

واى كومنت بعد ذلك من هذا الميل ربما يكون

به الفاظ اقسم بالله لن يكون منى


ارجو ان تعذرونى

amirelhob يقول...

استاذه ستيته

لقد قرات تعليقك بعد كتابه تعليقى الاول

وحقا يشرفينى انت تكتبى مكانى بل يشرفينى اكتر ان تكون صديقه فى شئ مثمر مثل الليالى


ولس هذا لانى متخاذل او لم اكتب الحلقه

الحلقه جاهزه لكن بسبب بعض المشاكل فى جهازى ربما لا استطيع ان ارسلها

ارجو ان يعذورنى الجميع ويشرفينى كل الشرف ان اقرء الحلقه القادمه من قلمك

وبكل تاكيد ستكون افضل واروح مما كتبت انا

اتمنى لكى التوفيق وان لم يحدد لى حلقه اخر يكفينى فخرا انى شركت بحلقه واحده مع مجموعه من افضل المدونين


ومن قلبى اتمنلكم جميعا كل الخير والسعاده والصحه والتوفيق والفرح والابتسامه الدائمه

ستيتة حسب الله الحمش يقول...

الأول صباح الخير عليكم يا حلوين
طيب اعمل ايه انا في طيبتكم دي؟
اجيب منها شوية للهنود الحمر منين ؟

أمير الحب
لأ طبعا
طالما كتبت الحلقة يبقى نفسي أقرأها جدا جدا جدا
وخاصة اني مكتبتش ولا تعبت
ها أكتب في دوري ان شاء الله
وحضرتك ابعتها على ميل د. اسلام وأنشيء ميل جديد على ما تستعيد القديم
قصة الميل دي تخوف يا جماعة
ربنا يسترها معاكم كلكم

شاكرة ليكم جميعا شعوركم الطيب
ومستنية اقرأ أمير الحب كتب إيه
وبرضه ها أشحور مها
وعد
مهما عملتوا ها أجيبها ها أجيبها ها أربييييييييييييييييييييييييها :)

أبو حميد يقول...

دكتورة ستيتة
ربنا يستر وماأكتبش قبلك
لأنى ممكن أموت مها أرحم من اللى حتعمليه فيها
هاهاهاهاهاهاها

حنعيش يعنى حنعيش يقول...

امير الحب
الحلقة لم تصل الى الان ... ابعتها على الايميل بتاعى ... واذا لم تستطيع اخبرنى حتى تكتب الدكتورة ستيته الحلقة ... وربنا يبعد عننا الهكرز

خواطر شابة يقول...

اهلا وسهلا بالجميع احدثكم من قرية تمكروت في الجنوب الشرقي للمغرب قرية هادئة ووديعة بعيدا عن ضجيج المدينة
انا سعيدة جدا جدا بموافقة الدكتورة ستيتة على كتابة حلقة وأرجو ان تكون اما الحلقة القادمة او ان كتب امير الحب هده الحلقة تكون حلقة الدكتورة ستيتة الحلقة التي بعدها ويتم تغيير الجدول على هدا الاساس
دكتور اسلام تول انت النشر من فضلك الى أن تستقر أموري
دمتم جميعا بكل ود

خواطر شابة يقول...

فاضل ثلاث حلقات على الحلقة الاخيرة يعني 28 و29و30
نحن متفقون ان اللي حضر العفريت يصرفه على رأي دكتور اسلام لدا فالحلقة الثلاثون سيكتبهاأبو حميد
انا عندي رغبة بكتابة الحلقة 29 من يرغب بكتابة الحلقة 28 فليتقدم بطلب لاضع اسمه على الجدول
دمتم جميعا بكل الود

حنعيش يعنى حنعيش يقول...

ياهل الليالى
الواضح ان الهكرز قد تمكن من امير الحب ... ولاننا متأخرين يوم عن النشر فقد تقرر الاتى
1دكتورة ستيته تكتب الحلقة مكان امير الحب
2امير الحب يكتب الحلقة الثامنة والعشرون
3يتم تاخير الحلقات يومان ... بمعنى ان تاريخ حلقة ستيتة15/10 وعليه يبقى الادوار كما هى ولكن التاريخ هو الى يتعدل
شكرا لحسن تعاونكم
المخابرات العامه المصريه

ستيتة حسب الله الحمش يقول...

د. اسلام
الحلقة في الميل يا فندم
وكله في الكليتش يا معلمي
نحن بلا فخر بتوع علوم
إذا حطينا مها في نفوخنا طلعنا على عينها النجيلة الخضرا بعون ربنا المعبود :)

المرسل : محسن بيه عضو المخابرات المصرية

ali younes يقول...

د / إسلام
طبعا هناك فرق بين الهواة مثلي والبروفشنل مثلك
دائما استمتع بأسلوبك في الكتابة الذى يعجبني شخصيا
الحلقة ممتازة
كامل اتصرف صح وهو تصرفة لا يناقض انة دوغرى الموقف دة محتاج تصرف زى ما هو عمل بالظبط لان حياة احمد وبيتة واهل مرات في المحك الان
تحياتي لك يا معلم

ندى الياسمين يقول...

يا لهوي كل ده يا جدعان حصل وانا مش هنا
الانفلونزا منها لله

ام هند الحلقه طبعا جميله

لما نشوف الحاجات الى متسابه اوبن دي هاتتقفل ازاي

اممممممم اعمل فيكم ايه هاتجنووووني حلقة قربت اما اروح اشوف ست السوتيتات الى منورانا عملت ايه فى مها
ده انا اصلا مش طايقاها من يومها