الاثنين، 4 أكتوبر 2010

قلب كامل 18

الحلقة التامنة عشرة
بقلم م علي يونس

منى : تنظر الي باب غرفة مكتب حسام وتقترب منه في بطء شديد حيث أن قدميها لا تقويان على حملها وقد تسبب في بطء قدميها ما يصل الي أذنيها من كلام يخرج من الفتحة الصغير لباب الغرفة

حسام : أنا قلت لك قبل كده يا نهي أني بحبك ومش ممكن أستغني عنك وأنا مرتب كل شيء وعامل حسابي , أيوة ما تخفيش موضوع سفري للخارج هو الحل الامثل لوضعنا من غير ما نعمل مشاكل ...

مني : تمسك رأسها بيدها وتستند باليد الاخري علي الحائط وتحدث نفسها وهي تستدير لترجع الى غرفتها ... ما هذا الذي سمعته أنا .. حسام ...حبنا عمرنا ...

-----------------------------

في صباح اليوم التالي يخرج أحمد من المستشفي كما قال له الطبيب

نورا : علي مهلك حبيبي أدخل عل مهلك وأدخل البيت برجلك اليمين عشان ربنا يكرمنا وأسند علي أنا جنبك أهو ..

أحمد : بسم الله ... ياه البيت وحشني جدا يا نورا وينظر الي جميع اركان البيت في شوق وينظر الي نورا . تعبتك معي كتير يا نورا ... ربنا يخليك ليا يا حببتي يارب أنا مش عارف من غيرك كنت عملت أيه ولا حصلي ايه.

مني : ويخليك ليه يا حبيبي وبعدين تعب ايه متقلش الكلام ده تاني انت حبيبي وعمري وروحي ربنا يخليك لينا يارب . . دا أنا من غيرك ولا شيئ أنت الهواء اللي بتنفسه .

----------------------

أمنيه : تعالي يا داليا انت و دعاء ودينا

داليا : ايوه يا ماما خير , وتحاول داليا ان تهرب ببصرها بعيدا عن امها وهي تعلم من داخلها ماذا تريد أن تتكلم معم فيه

أمنيه : تعالوا يا بنات .. دلوقتي الاستاذ كامل أتصل بي وطلب أنه يجي يزورنا غدا عشان يتعرف عليكم ...( طبعا أمنية تقول هذا الكلام بطريقة جادة وحازمة ودون تردد أو تخوف حتي يعلم البنات أنها ما زالت امهم وهم بناتها وليس العكس )

أخذ ت كل من دعاء ودينا ينظران لبعضهما ويهمهمان ويتلفتان ينظران الي أختهما الكبرى داليا

داليا : في صوت مرتعش وفي حيرة تتذكر قول زوجها محسن لها أن مستقبلهم متعلق بالاستاذ كامل ... والله يا ماما زى ما تحبي ما فيش مشاكل يتفضل

كان هذا الرد مفاجئ للجميع لكن أمنيه تنظر اليهم مستمرة في ضبط نفسها وتتركهن وتذهب غرفتها

---------------------

محمود : أزيك يا ريهام

ريهام : بخير الحمد لله أزيك أنت

محمود: والله أنا كنت متردد كتير قبل ما أتصل بيك أطلب منك نتقابل نتكلم شويه

ريهام: لية أنت عارف أحنا أصحاب من زمان والمفروض اننا واخدين علي بعض ..صح ؟

محمود : أيوه صح لكن الفترة التي كنت بها في الخارج أفقدتني معظم أصحابي ..ومكنتش مصدق نفسي لما شوفتك في المستشفي .. وكنت أحلم أن اراك يوم ما وظننت أنني صعب ان اصل اليك .

ريهام : المهم كلمني عنك وعن حياتك ومستقبلك .....

------------------------

نورا : مالك يا مني شكلك مش عاجبني أصحيلك أحمد تسلمي عليه.

مني : لا يا نورا سبيه مرتاح .. بس أنا مصدعه شوية .

نورا : لا يا مني أنا عرفاك انت أكيد فية حاجة ..عشان خاطري حبيبتي قلي لي مالك ...أنا زي أختك .

مني : تنهار في البكاء ولا تستطيع التحكم في مشاعرها ... أنا مش مصدقه نفسي يا نورا ..

أنا بعد العمر دا كله والتضحيات دى كلها عشان حسام الاخر ألاقيه يعرف واحدة علي وعامل معاها علاقة وناوى يتجوزها علي ...

نورا : أهدى بس يا حببتي احكيلى ازاى الكلام ده.....طيب الدكتور حسام بنقول عليه راجل عاقل ومتزن ... أنا معدتش فاهمة شئ

مني : يا نورا أنا سمعته بيكلمها وعرفت أنه ناوي يتجوزها ويسافر للخارج

نورا : بصي بقة يا حببتي يا مني أنا هاقولك أنت لازم تعملي أية عشان تحافظي علي زوجك وبيتك بس لازم تمسكى نفسك وتتصرفي بحكمة وتعملي زي ما ها قولك بالضبط

منى : قولي يا نورا أنا هادئة أهو وسمعاكى ......................

الحلقة القادمة

بقلم خواطر شابة

هناك 8 تعليقات:

خواطر شابة يقول...

الاستاذ علي يونس الحلقة حلوة هادئة وتسير في رتم الحلقات السابقة
جبهة حسام ومنى تستمر في الاشتعال
وربي يكون في عوني الحلقة القادمة المفروض حدث يرفع الرتم ويحرك الاحداث يالله ربي يستر

shimaa elkholy يقول...

تمام الله يكرمك يا فندم وتسلم اديك

الحلقه جميله ومتناسقة الاحداث والتسلسل تمام التمام

يلايا خواطر اشجينا

شهرزاد الحكايات يقول...

قلب كامل حكيته حكايه .. بس لازم نعرف إزاي .. نستنى الحلقة القادمة .. تقبلي مروري

المجهول يقول...

جميل جدا أن نجد من يبحث عن الدخول إلى قلب الرجل ..

تحياتي لك وفي انتظار الباقية

حنعيش يعنى حنعيش يقول...

واحشنى يا على بك والله ... تسلم ايد على الحلقة الحلوه دة

Unknown يقول...

دكتور إسلام
ربنا يخليك والله أنت وحشني أكتر ومتشكر علي زوقك وأخلاقك العالية
وربنا يديم المعروف
شكرا الي خواطر شابة
والي ندي الياسمين
وتحياتي للجميع

أبو ريان يقول...

تسلم اديك استاذ علي يونس على الحلقه الجميله
تحياتي

البنفسج الحزين يقول...

يسلم قلمك يا باشمهندس حلقه جميله وهادئه وفيها تحريك سلس للأحداث وفي سياق الحلقات الماضيه ...
تحياتي