الخميس، 21 أكتوبر 2010

قلب كامل :الحلقه 25

قلب كامل :الحلقة 25
بقلم :ريم

كامل : آسفة على ايه يا امنية ؟؟ ومش هاتقدري على ايه ؟؟
أمنية : مش هاينفع يا كامل أخسر بناتي .. أنا كدا أبقى أم أنانية
كامل بانفعال : ومش أنانية أنك تفكري في نفسك وبناتك وتنسيني ؟؟ أنا اللى من يوم ما لقيتك تاني وأنا قلبي رجع أخضر زي زمان وكأني رجعت بالزمن أكثر من ثلاثين سنة

زادت حدة كامل وهو يتابع : عموماً يا أمنية أنا بجد تعبت .. كل حاجة عليا .. كل الهموم على كتفي .. بحاول أكون هادئ معاكي ومع ولادي وحتى مع بناتك .. بس الظاهر أنا بس اللي بفكر في الناس ومش لاقي حد يفكر فيا ... سيبيني يا أمنية دلوقتي وفكري بهدوء بس أوعي تظلمي نفسك قبل حتى ما تظلميني ..

وأنهى كامل المحادثة حتى بدون كلمة مع السلامة
--

ذهب حسام الى مكتبه منتظراً أن تأتي نهى كعادتها كل صباح لتقول له صباح الخير
ولكنها لم تأتِ وطوال اليوم لم تقرب مكتبه أو تمر من أمامه
فخرج حسام من مكتبه باحثاً عنها ووجدها تقف مع زميلها.. أيمن .. المعجب بها جداً
كانت نهى تتكلم مع أيمن وهى تبتسم وبدت مرتاحة جدا ومنهمكة في الحديث مما أثار غيرة حسام فنادها متعللاً أمام أيمن بأنه يحتاجها في مكتبه لأمر يخص العمل
استأذنت نهى وتبعته الى مكتبه
تكلم حسام بعصبية :: هو أيمن بقى اللى خلاكي طول اليوم ناسياني ؟
نهى : أنت اللى ناسيني مش أنا .. أنا بس حبيت اسيب لك فرصة تفكر براحتك بعيداً عن أي ضغوط مني .
حسام : أفكر في أيه يا نهى ؟؟ أيه الكلام الغريب دا ؟؟؟
نهى : تفكر هاتقدر تاخد خطوة ارتباط بيا ولا لا ؟؟ اصل واضح جدا انك متغير وبعيد وعامل ألف حساب لمشاعر مراتك .
حسام : آه طبعا .. أنتي ست وعارفه يعني ايه واحد يتجوز على مراته دي طعنة لأى ست
نهى : وعلشان كدا سيباك تفكر براحتك وأنا كمان من حقي أفكر
حسام متسأئلاً: وأنتي تفكري في ايه إن شاء الله ؟؟
نهى : ماهو أنت ناسي أني بردو ست ومن حقي الراجل الوحيد اللى حبيته يحسسني أنه عاوزني ومش خايف يرتبط بيا ... أنا كل يوم أرفض عريس وبتحمل لوم أهلي علشانك وحضرتك لسا بتفكر .... وأنا كمان من حقي أفكر بطريقة تانية وأحكم عقلي شويه
ثم هدأت نبرة صوتها وتابعت : أحنا لازم نبعد عن بعض فترة .. كل واحد فينا يفكر فيها ونشوف بعد كدا هايحصل ايه .
ثم اقتربت منه و نظرت الى عينيه برقة قائلة : صدقني هاتبقى أصعب فترة تمر عليا وهاتوحشني بس أنت محتاج الفترة دي أكثر مني واعرف كويس إني هافضل أحبك مهما كان قرارك ..
ثم خرجت من مكتبه مسرعة كمن تحاول إخفاء دموعها .
--

ظل كامل متوتراً طوال خمسة أيام ولم يحاول الاتصال بأمنية وكان ينتهى من عمله فيستقل سيارته ويظل يجوب بها الشوارع الى أن يتعب فيعود الى منزله
وفي اليوم الخامس عاد كامل الى منزله ليجد محمود في انتظاره
محمود : أخيرا جيت أنا لسه كنت هاتصل بيك .. أنا مستنيك من بدري
كامل : ومن امتى بتستناني ؟؟ خير في ايه ؟؟؟

محمود :خير ان شاء الله .أنا بس كنت عاوز آخد منك معاد علشان نروح نخطب ريهام .
كامل بصوت عالٍ : أنت هاتقول ريهام تاني ؟؟ هو أنت مش واخد بالك ريهام دي تبقى مين ولا ايه ؟؟ انت عاوز تزود المشاكل ؟؟ هو أنت شايفني ناقص ريهام كمان ؟؟

محمود ببرود : ومال ريهام ومال المشاكل ؟؟
كامل : هي ريهام دي مش تبقى أخت علياء هانم بردو ؟؟ اللى بتسعى لخراب بيت أخوك ؟؟
هو انا ليه بحاول أحل وانتو تعقدوا ؟؟ أنتوا عاوزين تموتوني ؟؟ يا أبني افهم .. ريهام دي انسى انك تتجوزها واصرف نظر عن الموضوع دا خالص

محمود : هو أحمد يغلط وأنا أتحمل غلطته ؟؟ أنا هاتجوزها ودا اختياري وأعتقد مش من حق حد يتدخل فيه .
كامل : وانا قلت لا .. ولا انت كبرت على انك تسمع كلامي وتاخد برأيي ؟؟
محمود : أنا فعلا كبرت ومش محتاج رأي حد .
خرج محمود من المنزل صافعاً وراءه الباب ونزل الى سيارته واتصل بريهام وأخبرها بأنه يريد رؤيتها .. واتفقا على أن يتقابلا غداً في الساعة الثامنة ليلاً .

--

جلست أمنية تقلب قنوات التليفزيون وهي لا ترى شيئاً فقد كانت شاردة تماماُ تفكر في كامل تارة وفي بناتها تارة أخرى .
كامل الذي لم يتصل بها منذ أخر اتصال بينهما
وبناتها المنشغلات عنها دائماً
وقررت أن تتصل بهن لتدعوهن الى العشاء

داليا : عشا ايه يا ماما بس ؟؟ أنتى ناسية ان في مدارس بكرا .

دعاء لم ترد على اتصالها اصلاً

دينا : معلش يا ماما مش هاينفع خالص النهاردة ولا بكرا اصلنا رايحين عند حماتي وهنبات هناك وانتي عارفه حماتي بقى بتزعل بسرعة لو مش رحنا لها كل يومين

تركت أمنية الهاتف من يدها وهى تقول لنفسها : والله عندك حق يا كامل أنا فعلا بظلم نفسي وبظلمك معايا

--

دقت السكرتيرة باب مكتب كامل
السكرتيرة : كامل بيه في آنسة برا عاوزه تقابلك
كامل : خليها تتفضل
واتسعت عينا كامل وهو يرى ريهام تدخل الى مكتبه
ريهام : صباح الخير
كامل وقد بدت عليه علامات الدهشة والانزعاج : صباح النور .
طلب لها عصيراً . ثم نظر إليها مستفهماً

ريهام : أنا جايه النهاردة لأن محمود قابلنى امبارح وقالي على الحوار اللى دار بين حضرتك وبينه على موضوع ارتباطه بيا
كامل : شوفي يا بنتي ............
قاطعته ريهام : معلش أنا اسفة مش أقصد اقاطع حضرتك بس ممكن تسمعنى للآخر ؟؟
كامل : اتفضلي .. سامعك .
ريهام : أنا صحيح معجبة جداً بمحمود لكن مش ممكن ابدا ارتبط بيه من غير موافقة حضرتك وانا جيت مخصوص علشان أطمنك أن دا عمره ما هايحصل .. ولو كانت ظروف علياء وجوازها الغلط من أحمد خلاها تتصرف بطريقة مش متزنة فدا مش معناه انى هاوافق اخطف محمود من غير رضا أهله
احنا متربيين يا كامل بيه
وانا مش بقولك الكلام دا علشان تلين او تغير موقفك
لاني شايفه ان حضرتك عندك حق جداً
وانا بعتذر لك عن اي خلاف حصل بسببي .
هم كامل بالكلام وبدى عليه الحرج فقاطعته ريهام مرة اخرى : انا مقدرة موقف حضرتك والله ومش محتاجة اي شرح
قالت ذلك وهى تهم بالمغادرة في الوقت الذي رن فيه موبايل كامل ورد هو بسرعة عندما وجد ان المتصل هو أمنية
فأستأذنت ريهام وتابعها هو بعينيه وهو يرد على سؤال امنية : الحمد لله . أنتِ ازيك ؟؟
أمنية : وحشتني اوي يا كامل
كامل وقد تغيرت ملامحة تماما وارتسمت ابتسامة عريضة على شفتيه : وانتِ اكتر يا حبيبتي ..
ثم ضحك وهو يقول : أخيراً قلتي كلمة حلوة

أمنية : ولسا هاقولك الأحلى .. أنا موافقة على جوازنا وفي الوقت اللى تحدده

يبقى بكرا يا امنية .. خلاص مش لازم نفضل بعيد ولو حتى يوم واحد
كفاية كدا اوي


--

دخل حسام الى منزله لتقابله منى بابتسامة عند الباب
منى : اتاخرت كدا ليه ؟؟ انا هاموت من الجوع
بوجوم يرد حسام : وتموتي ليه ؟؟ ما تاكلي
منى بضيق : يعنى انا مستنياك ومش راضية اتغدا علشان اسمع منك الكلمتين دول ؟؟
حسام : أنا اتغديت يا منى .. اتغدي انتِ
منى : من امتى بتتغدا من غيري ؟؟ واتغديت فين ؟؟
حسام : أنا تعبان وعاوز ارتاح شويه
منى : مش دا الرد على سؤالي ... أنا بسالك اتغديت فين ؟؟
حسام : وأنا قلت لك أنا تعبان وعاوز ارتاح ... ولا أروح اشوف مكان تاني ارتاح فيه ؟؟
منى : قول بقى انك فعلا بتدور على مكان تاني ... الظاهر هنا بقى للخناق والتعب والراحة في أماكن تانية

حسام : تقصدي ايه ؟؟
منى : ومالك اتخضيت اوي كدا ليه ؟؟ ايه اللى مغيرك يا حسام ؟؟ ايه اللى بعدك عني ؟؟
حسام : بقولك ايه يا منى انا مش عاوز اتخانق

ودخل الى غرفة نومه وأغلق بابها عليه جيداً وأمسك موبايله واتصل بأحد الأرقام



--

وبصوت خفيض : ايوا يا نهى ... ازيك ॥كنت عاوزك تاخدي لي معاد من باباكي علشان آجي اقابله .....
والى اللقاء فى الحلقه القادمه بقلم : حاجات جوايا

هناك 28 تعليقًا:

ليالي مصرية يقول...

تعتذر ادارة الليالي عن تاخير الحلقه
وده مش عارفين ليه اساسا

ربنا يستر ويكون خير

الدكتور اسلام مختفي

وخواطر كمبيوترها بعافيه شويه ما عندوش عربي

وريم يا حبة عين امها دايخه بالحلقه من امبارح مش عارفه تعمل فيها ايه
:)

ام هند

الحلقه جميله ياريم جدا والاحداث ماشيه فى السياق الى عاجبنى ماعادا البت ريهام دي خانقاني مش عايزه اجوزهاله الصراحه هههههههههههه

بس ايه يا بت الفصحى دي كلها.. لا اوعى بجد انتى انحرفتي ولاايه وبتكتبي عربي وكده

تسلم اديكى يا ريم بجد

ليالي مصرية يقول...

اه نداء عاجل للدكتور اسلام يطمنا عليه عشان الفريق كلهم يتسائلون ويفكرون انت روحت فين وانا اولهم

ندى الياسمين

ليالي مصرية يقول...

ممكن احتل ثالث تعليق كمان طيب عشان يعنى العب كوني انا الرئيس دوقتي وكده نيهاهاهاهاها

البنفسج الحزين يقول...

حلقه رائعه وفيها أحداث حاسمه كمان
تسلم ايديكي يا ريم ...

ليالي مصرية يقول...

سالي حاجات جوايا

حلقتك هاتتنشر فى معادها ان شاء الله
يلا اكتبي سريعا

ستيتة يقول...

امبارح كنت داخلة اقول فين الحلقة يا ردالة
وبعدين قلت عيب يا به يا سوتيتة
يمكن الإدارة ها تصرف لنا منحة شهر ولا حاجة وبيعملوا كشف الموظفين
سيبيهم:)


ابو حميد
انا شفت تعليقك بتاع امبارح ان الناس تتقابل لتنسيق وضع الليالي
متنساش ياباشا ان مش الكل قاهرى
واللوقاء ده امر يجي لو فيه شيء ملح جدا لأن تجمعنا بره الكيبورد صعب جدا

لكن اقتراح باقتراح احنا ممكن نقترح ليلة تكون خميس مثلا علشان محدش يكون عنده شغل ونلتقي هنا في صفحة التعليقات نتناقش حتى نميت الليالي انضباطا

اظن ده اسهل كتير علينا ونحن من محافظات متعددة

شوفوا وقولوا

تحياتي واروح لرقيقة الرقيقات اللي عملت لي عدة مفاجأأأأأأأأأأأت

ستيتة يقول...

ريم

ايه يا أمي ده
لقد انعقد لساني من الدهشة
إي وكتاب الله المجيد
هو ده الشغل لما النوفوخ يروق والتحدي يأخذ من الناس مأخذه
حلقة روعة روعة روعة

تحليل المباراة
1- محدش بيقول لبنت عاوز يثبتها انتي ست وفاهمة
لكن ممكن انتي ست البنات وست العارفين وبرضه مبيجبش سيرة مخفية الأسم مراته بأي نوع من التعاطف
بيكون اسمها وعلشان ربنا والحرام ونعمل الخير في الولية ونرميه البحر

لكن يقول للموزة انتي ست
ودي طعنة

وهو لو مقدر انها طعنة كان عملها برضه؟
لأ بيضحك على روحه يا ريما وبيقول حقييييييييييييييييييييييييييييييييي
شرع ربنااااااااااااااااااااااااااا
هي اللي مطلعة بظابيظييييييييييييييييييييييي
اصحي معايا للون :)


2- جزئية ريهام مع محمود غاية في المنطقية
وده لأن ببساطة واضح ان الإتنين عمليين جدا
بيحبوا بعض يبقى بعبه يا ابوه وها اجيبه ها اجيبه
وهي فعلا من حقها تدافع عن واحد مصمم عليها
اي ست تلاقي راجل مصمم عليها وعواطفه ماشية في سكة الإرادة والحلال لازم تطرحه أرضا وتكبر عليه
حبيبي معايا .. حلال بسم الله الله أكبر :)



3- بنات أمنية كده في وضع طبيعي جدااااااااااا
هم مش انانيات
ولا مهملين امهم
هم ستات وامهات في بيوت محتاجاهم غصب عنهم
وهو ده حال كل البيوت
علشان كده اتعجب جدا من بنت تكون فاهمة وحاسة وعارفة امها في وضع سيء ازاي وتنكر عليها حلال
وعلشان كده قلت الولد مش بيفهم غير ان امه ست وبيغير عليها
لكن البنات فعلا بيكونوا متفهمات للأم
غيورات جدا على الأب
بالفطرة


ارغي واقول ايه تاني في الحلقة الحلوة دي
أه
الواد حسام ده عاوز يتخلع ونشوف محمة أسرة في الحلقات :)

تحياتي وتسلم ايديكم كلكم
وراح فين د. اسلام
هو فيه حد بيصيف في المدارس يا جودعان ولا إيه
ربنا يطمنا عليه ان شاء الله

يالا يا حاجات جوايا
عاش عاش عاش

حنعيش يعنى حنعيش يقول...

تسلم ايدك ياريم ياعبقرية ... الحلقة فى منتهى الجمال ...والاسلوب فى منتهى الروعة ... والاحداث فى منتهى المنطقية ... وانا فى منتهى اللبخة .. بس والله امبارح دخلت على الميل الصبح وباليل ... حلوه دى شعر ... ومالقيتش الحلقة ... قولت يمكن تكون اتبعتت لخواطر شابه .. واول حاجة عملتها الصبح انى فتحت الميل وبرضة مالقيتش حاجة ... وفوجئت بالحلقة ... ربنا يخلى لنا ندى قادر يا كريم وشكرا على سؤال الجميع

أبو ريان يقول...

حلقة رائعة وأسلوب ممتع وأحداث حاسمة سلمت يداك فقد أبدعت بحق

Remas يقول...

ندى الياسمين

ميرسي يا توتة جداااااااااااا

دايما بتيجى وتنقذى المواقف

ميرسي اوى اوى
مبسوطة ان الحلقة عجبتك

شفتينى وانا بتكلم فصحى ؟؟
ههههههههههههههه

علشان بس مش تقولو ريم مش بتعرف تتكلم
ههههههههههه

عاوزه الناس تغير فكرتها عنى شويه يا ندى

تسلمى لى يارب
وعشتِ ذخراً لنا

Remas يقول...

البنفسج الحزين

تسلمى يا رب
ربنا يخليكى ياقمر

بترفعوا معنوياتى والله

Remas يقول...

ستيتة حسب الله الحمش
ستوتة اللى دايما دايما رافعة معنوياتى

تصدقي يا ستوتة بضحك جدا لما اسمع منك او من فاتيما رقيقة الرقيقات بتدلعوني جدا والله
ربنا يخليكو ليا ياقمرات

كنت مستنية رأيك بالذااااااات في الحلقة
كتبتها سريعا وكنت حاسه انها مش متظبطة


حسام انا قصدت انه يكلمها كدا لانه على ضوء ما فهمت من شخصيته انه فعلا بيكن لمنى مشاعر حقيقة وانه رجل مستقيم ( مع انهم يعنى انقرضو )
علشان كدا حبيت اخليه يرد الرد عليها مش رد واحد محنك


وبنات امنية فعلا عندك جدااااااا
هن امهات ولهن حياتهن وطبيعى يتشغلو
وطبيعى هى تدور على حياتها

مبسووووطة بتحليل المباره يا احلى ستوتة

وتسلمى لى يارب

Remas يقول...

حنعيش يعنى حنعيش

دكتور اسلام
اخيرا
قلقت على حضرتك جدا
الحمد لله ان حضرتك بخير
انا بعت الحلقة والله على ايميل حضرتك امبارح
مش عارفة مش وصلت ليه غريبة اوى
عموما النت بقى ليه حركات غريبة الايام دي

يا دكتور تشجعيك ليا دا مش عارفه اشكرك عليه ازاى بجد
ميرسي جدااااااااااا

وربنا معاك يارب ويعينك

Remas يقول...

أبو ريان

هلا بابو ريان العزيز

اخبارك ايه واخبار ريان ايه ؟؟

ربنا يخليك يارب
ميرسي جدا على رأيك وكلامك الجميل
رأيك دائما يهمنى جداااااا
منورنا دايما يارب

أحمد عبد الحميد يقول...

يا رييييييييييم
حلوة الحلقة
وإنت عارفة رأيى من قبل كده
صح؟

ستيتة يقول...

ماهو حسام من ضمن الشخصيات اللي مبنتش قوي في الكتابة

هناك عادة تبريرات منطقية او غير منطقية لحد بيتشد بره بيته ومستعد للمغامرة بيه

1- يكون هو شخصيا ربنا خالقه كده
ومنهم كتير
امرأة واحدة لا تكفي
2- منى مهملة ولو بشكل جزئي لحسام وده لم يتضح بقوة حيث انها طالعة في كل الحلقات بمثالية لا تنطبق على ارض الواقع
مع العلم ان فيه ستات كتير بتقصر في نقاط يغفرها الزوج من كتر ما بيحبها وقدر جهدها لرفعة شأن بيته
هنا مش باين
3- ممكن يكون حسام اتشد
والشد غير الحب
الشد ده معرض له كل ابناء آدم باختلاف انواعهم وعلشان كده معظم الرجال ينظروا لمن حولهم من بنات حواء ولو نظرة واحدة
ان لم يتبعها بنظرة ونظرة ونظرة
والشد لا يستلزمه تفسير يجيب اللوم على الزوجة
كما ان الشد لا يتبعه غيرة كما رأينا مع ايمن

حسام شخصية جد في كل الحلقات ومشغول جدا
منى شخصية محتوية لكل الأطراف اللي حواليها
نهى نفذت للبناء منين؟
لازم فيه منطقة شفافة تسمح بالنفاذية
ولا ايه يا جودعان؟

Remas يقول...

أبو حميد

صباح الفل يا فندم

انت متأكد اكيــــــد ان الحلقة حلوة ؟؟؟؟
هههههههههههههههه

طبعا عارفه رأيك من الاول

صح جدا جدا

Remas يقول...
أزال المؤلف هذا التعليق.
Remas يقول...

ستيتة حسب الله الحمش

معاكي حق تماماااااااا

حسام راجل زى اى راجل لما مراته تتشغل شويه او تكبر او تهتم بالاولاد اكتر اكيد لمايشوف واحدة مهتمة بيه زى نهى هايجري عليها
وخصوصا في سنه المرحلة السنية اللى بيشوف فيها الرجل انه مش كبير علشان تبطل ممراته تهتم بيه زى الاول وانه لم يتعدى مرحلة الشباب لتعجب به بنات حواء
هو اولا واخيرا رجل هايتشد ويتعلق ويغير كمان

حتى وان كان غير محنكاً في موضوعات الحب

وانا معاكى في ان اكيد منى مقصرة في حاجة ودا الطبيعى
ام ووزوجة واخت وابنة
ماهى مش ملاك اكيد لام تقصر في حاجة

وانا قصدت في الحلقة انى اطلعها عصبية وبتسأل وبترمي كم كلمة
اصل مش معقول تبقى عارفه وهادية وساكتة كدا طول الوقت

مش عارفة دى وجهة نظري واكيد ممكن اكون غلط بردو

بحبك انا يا ستوتة جدا وبحب عدم مرورك على الكلام مرور الكرام
بحب انك بتحللى كل حاجة ودا بيعجبنى جدااااااااا

حاجات جوايا يقول...

يا سيدى يا سيدى عالحلقات الجميلة
اللى طاااااااااال انتظارها

تسلم ايدك يا ريم حلقة جميلة بجد
عجبنى اووووووى موقف نهى .. انا كنت ناوية ابتدى فى الخط ده وانتى سبقتينى والحمد لله هههههه

100 100
عسلية هههههههههه

حاجات جوايا يقول...

يا شعب الليالى الكرام

لما احب اخاطب حد اخاطب مين ؟؟
قطز ؟؟ههههههههه

مين الريس الحالى
لما ابعت الحلقة ابعتها على مييييييييين

shimaa elkholy يقول...

سالي مش عارفه والله

شوفي دكتور اسلام هايقولك ايه

بس واضح ان خواطر عندها مشكله فى النشر

عموما انا اميلى اهو

sbarny_yarb@yahoo.com

يعنى فى حال الدكتور اسلام ما ردش عليكى انا هنا اهو

shimaa elkholy يقول...
أزال المؤلف هذا التعليق.
shimaa elkholy يقول...

خواطر عايزه ترتيب الادوار بتاعة النشر بعد اذنك عشان انزلهم
اصل كده مش واضحه الحكايه

انا مش عارفه استقريتوا على ايه

ياريت تقوليلى انتى او الدكتور اسلام او تعدلوا الجدول انتم

خواطر شابة يقول...

episode 27 amir al hob
episode 28 NADA ALYASSAMINE
episode 29 khaouter chaba
episode 30 abou hmid

حنعيش يعنى حنعيش يقول...

يا جماعة الخير والله انا متحمل المسئوليه وفاتح الايميل بس ما فيش حاجة بتوصل ... عموما انا ايميلى موجود ولو حصل مشكله ايميل ندى موجود ولو حصل مشكله اتصرفوا انتوا بقى

حاجات جوايا يقول...

السلام عليكم

د اسلام انا بعت الحلقة عالايميل التانى
الايميل ده فيه حاجة غلط
ولما بنسخه بيجى معايا ايميل خواطر شابة

مستنية رايك يا فندم
يارب الحلقة تعجبك

sony2000 يقول...

بجد بجد رووووووووووعه
وحسام دا عاوذلوا مناقشا لوحدوا
وربنا يستر لان شكلو هيخرب بيتو بيدوا