الأربعاء، 27 أكتوبر 2010

قلب كامل 28

بقلم: امير الحب
بدأ احمد كلامه مع كامل بالنسبه ليا يا بابا فى الاول انا بعتذرلكم على اللى عملته طول الفتره اللى فاتت واللى كنت السبب فيه لحضرتك ولاوخواتى

كامل: بلاش هبل انت ابنى ودول اخواتك وبعدين كل اللى بيحصل دا مكتوب يعنى لا بايدك ولا بادينا واهو اختبار من ربنا والحمد لله عدى على خير

محمود مقاطعا والده: بعد اذن حضرتك يا بابا انا عايز كمان اقول حاجه

كامل: قول ما انا مجتمع بيكم النهاردا عشان نسمع بعض

محمود: انا كمان يا بابا عايز اعتذرلك على انى غلطت فى حقك وفى حق نفسى يوم ما فكرت مجرد تفكير انى اخرج عن طوع حضرتك يمكن اخواتى ميعرفوش ايه اللى حصل بالظبط بس على الاقل من حقك عليا انى اعتذرلك قدمهم

كامل وهو يبدا فى رسم ابتسامه خفيفه على وجهه
ها يا محمد وانت كمان مش عايز تعتذر

محمد: لا يا بابا انا كلامى هيكون مش دلوقتى او على الاقل بعد كلام حضرتك

كامل : طيب .... ابدا انا بقا كلامى اللى جمعكم عشان اقوله النهارده وعشان تعرفه انا قررت اعمل ايه فى حياتى عشان دا من حقكم

احمد : اتفضل يا بابا

كامل: بوصوا يا ولاد انا تعبت بجد عشانكم حاولت بكل الطرق اريحكم والحمد لله عندى اربع اولاد افتخر بيهم قدام كل الناس اه المشاكل فى الفترا الاخيره زادت بس دل مينعش انكم بجد تشرفوا اى اب فى الدنيا بيكم

من حقى بعد التعب دا انى ارتاح وخصوصا ان الحمد لله معتفدتش انى قصرت فى حق حد فيكم انا كمان بقيت جد لاحفاد زى العسل

عشان كدا انا قررت اتجوز مدام امنيه ست محترمه وظروفها تقريبا نفس ظروفى وعارفين بعض من زمان وهى دى فعلا الست المناسبه ليا فى السن دا واكتر حد قريبا فاهمنى
ومش معنى كلامى دا انها احسن من والدتكم بالعكس يمكن لو لفيت العالم كله مش هلاقى زي والدتكم بس دا نصيب ومكتوب

وانا بجد نفسى ارتاح ومش عايز ارتاح وانا حاسس ان الموضوع دا ممكن يفرق اسرتنا عشان كدا قررت اقولكم واشوف ردودكم ايه


محمود تسمحلى انا يا بابا اتكلم الاول دا بعد اذن اخواتى يعنى ؟

محمد : يا لهوى الواد دا هيقتلنى بادبه اتكلم يا بنى

محمود: انا مش هنكر انى فى الاول كنت رافض ان اى ست مهما كانت تحل محل ماما لكن لما فكرت لقيت ان الحياه لازم تستمر وخصوصا يا بابا انك متخليتش عنها فى اى حاجه وفضت جنبها حتى فى اخر لحظاتها والجواز لا هو عيب ولا حرام وحتى لو اخواتى خايفين من كلام الناس يبقوا غلطانين لان الناس دايما بتفتكر الوحش وتنسى الحلو مهما كان يعنى كلامهم لا هيقدم ولا هياخر

محمد: مقاطعا محمود..... وانا راى زيى محمود بالظبط وبما اننا فى اجتماع بقا يبقى نقول موافقه بالاجماع
وينظرون الثلاثه نحو احمد كى يعرفه رده ولكنه مازال مخطوفه فى لحظات صمته

كامل : وانت يا احمد رايك ايه ؟

احمد: يا بابا عنى انا اللى هعترض انا راى زيهم بس المشكله الوحيده فى الموضوع دا موقف منى من حضرتك ومننا هتحس زى ما يكون كلنا اتفقنا عليها او اننا ننسى ماما وانت عارف يا بابا منى حساسه قد ايه

كامل: فى دى يا احمد معاك حق

محمد: يا بابا هى هتتاثر فى الاول بس عشان كانت اكتر حد مرتبط بماما لكن لما يكون الموضوع امر واقع هتلاقى انو اسهل من كل دا

كامل : يعنى دا رايك يا بنى ؟

محمد: اه يا بابا توكل على الله وربنا يسعدك
يبتسم كامل ابتسامه رضا ويردد عباره الحمد لله عدت على خير

ويقاطعه محمود ..... ها وناوى تعمل شهر العسل فين يا عريسنا

وينهمر الجميع فى الضحك وينسى ما فى داخلهم من الم واحزان تراكمت من قبل

وينصروفوا جميعا تاركين كامل فى اسعد لحظات حياته


.................................................
حسام : منى يعنى انتى كتى حاسه بجد ولا حد قالك حاجه ؟
منى: وتفتكر لو انا مش حاسه ابقى بحبك ازاى واستحق ان ابقى ام ولادك ازاى

حسام : وعارفه دا من امتى وسكتى ليه ؟

منى: من زمان اوى وسكت عشان مكنش ينفع احنا الاتنين نبعد ونقطع كل الخيوط اللى بينا وخصوصا ان مش احنا بس اللى هندفع التمن

حسام يرد وقد بدا يرتب كلماته كى يصارح منى بما حدث

بوصى يا ستى الموضوع كلو كان مجرد نزوه بتحصل لاى راجل فينا بيفتكر ان راحتو فى واحده تانيه غير مراته
والحمد لله ربنا فوقنى فى الوقت المناسب قبل ما اكسر كل حاجه جميله بينا وادمر بيت لا يمكن كان هيتكرر تانى
مع اى واحده غيرك يا حبيبتى وكماكنت هخسر حبى الوحيد وكلمة بابا اللى بتفرحنى وتخلينى طاير
ويبدا بالابتسامه

وبعدين يا قلبى زى ما فى طيش شباب فى بردو طيش رجاله اكبر من الشباب شويه

منى و هى تمسح دموعها
يعنى توعدنى مش تكرر تانى ؟

حسام : لا بصراحه مش هوعدك لكن اوعدك انى مش هزعلك تانى ابدا مهما حصل يا حبيبتى وانى ابدا معاكى
حياه جديده ونعمل شهر عسل تانى ونجدد حبنا من اول وجديد
بس قبل دا كله ليا عندك طلب صغير اوى وبتمنى انك تفهميه ممكن ؟

منى : مممممممممممم

حسام : سيبى باباكى يحس انك موافقه عشان فرحته تكمل وبجد صدقينى دا ابسط حقوقه وانتى عارفه انا قد ايه بحترمه وبقدره
بس بينى وبينك هو معاه حق عمل كل حاجه فى حياته صح ومن حقوا يرتاح فكرى بعقلك يا منى مش بقلبك
وبعدين كفايه اوى انو بيعترف قدام الكل انو لا يمكن يلاقى زى والدتك الله يرحمها يعنى هو بيقدرها حتى من قبل ما يفكر فى الجواز
منى : يعنى دا رايك ؟
حسام : بصراحه هو دا الصح
منى : طيب انا كمان مش عايزه اجى على بابا وعلى حقه اكتر من كدا انا بس كان صعبان عليا حبه لى ماما لا يكون
نسيه بسهوله كدا

حسام : لا يا قلبى مش يصعب عليكى حاجه دا نصيب وربنا كان كاتب كل دا ومقدره ولما يحصل دا بعلمك انتى واخواتك
احسن ما كنتوا تتفاجؤا بيه ولا ايه ؟
منى : والله عندك حق


..........................................

و فى اثناء عوده محمد الى بيته لا يسمع فى اذنه سوى كلمات مها
ويردد بينه وبين نفسه ...... والله معاها حق بس بردو مينفعش ابعد عن الشركه دلوقتى على الاقل وخاصه فى ظروف
احمد وكمان محمود لسه بدرى عليه لما يتعمل وبابا كمان يا ترى هيقول عليا ايه بعدت عن اخواتى عشان مراتى
يعنى عشان اسعدها اهدم حلم بابا بس المفروض بردو ان اكبر ويبقى ليا اسم لوحدى و احفظ مستقبل ولادى

يووووووووووووووه ايه الحيره والقرف دا بجد اول مره معرفش اخد قرار كدا

...............................................

محمود يجلس وحيدا فى احد الاماكن الهادئه ويبدا حديثه مع ذاته

.... والله شكل محمد عندو حق وكلامه صح بس انا هعاند ليه يعنى ولا يمكن عايز اثبت لنفسى انى كبرت بقا
وبقيت مسئول عن قرارتى بس بصراحه بردو هما عندهم حق المشاكل اللى هتحصل بعد كدا مش هتبقى صغيره
وفى نفس الوقت مش هينفع اخويا يحضر فرحى ومراتو فى السر تبقى اخت العروسه
سر ايه ما مراته عرفت وبابا واخواتى ايه العك دا الموضوع شكله مش نافع خالص بس ريهام ايه ذنبها فى كل دا
والله ما عارفه ايه دا كلو ما انا كنت عايش برا ومريح دماغى من الوجع دا

وفى اثناء حديثه مع نفسه يسمع صوت رقيق ينادى استاذ محمود منور المكان والله

فيلتف خلفه ليرى ............................

...................................................

وبعدما رفض احمد ان يوصله احد من اخواته وقرر ان يركب مع سائق والده وفى اثناء السير يبدا احمد بالكلام

قولى يا عم محمود هو انت لو محتار ما بين امرين ومش عارف تاخد قرار بتعمل ايه
عم محمود : بص يا بنى انت فى سن ولادى وربنا عالم انك كمان فى غلاوتهم عشان كدا هقولك الحل اللى يمكن تستغربه
لما تكون محتار اوى ومش عارف تاخد قرار سيبها على ربنا هتلاقى الموضوع لوحده بيتحل ويتسهل لله كدا

احمد مقاطعا اياه : ونعمه بالله يا عم محمود بس دا قرار يهم ناس ويمس حياتهم وكرامتهم

عم محمود : يا بنى ما هو مستحيل هتكسب كل حاجه او تخسر كل حاجه ومستحيل ترضى كل الناس صعب يا بنى فى الزمن دا تعدل الميزان محدش بقا راضى بحاله كله عايز يغير من نفسه
بس انا هريحك وهجاوبك على اللى محيرك اللى حاسس ان هو دا الغلط فى حياتك هو دا اللى لازم تصالحوا بس بردو بعقل

ارتاح احمد لكلام عم محمود وكأنه وضع له طريقا اخضر يمشى فيه

......................................................

فى المستشفى وبين نظرات الفرح ونظرات العتاب تقف امنيه محتاره بين اولادها لا تعرف ترضى من اولادها ام ترضى كامل ولكنها بين الحين والاخر تلمح نظرات اللوم فى عيون بناتها لا تعرف كيف ترد وماذا تقول
وفى تلك اللحظه و بين لحظات شردوها
يدق بابا الغرفه ويدخل كامل

امنيه : كامل !!!

كامل : اه كامل اللى جاى النهاردا يبارك ويتكلم مع بناتك كلام مهم اوى ويا عالم يمكن الفرحه تبقى فرحتين
و كفايه بقا تاخير اكتر من كدا يا عالم بكرا مخبى ايه ولا العمر باقى فيه قد ايه وبلاش تقولى الوقت مش مناسب والكلام دا لانى جاى وواخد قرارى انى هتكلم معاهم بصراحه ويا كسبت يا كسبت لانى بينى وبينكم مش بحب الخساره
ها اتفضل ولا هتسبونى كدا اتكلم من على باب الغرفه ؟

داليا : لا اتفضل يا اونكل انت تنور

ويبدا كامل كلامه اولا مبروك عليكم البيبى الصغير دا ويا رب ايامكم اللى جايه تبقى كلها فرح

ومبروك عليكى انتى كمان يا تيته امنيه

فيضحك الجميع ويقاطعهم كامل........ نتكلم بقا جد عشان انا عايزكم كلكم تقولوا رايكم حالا ويبدا كلامه ويقول..................................



الحلقه القادمه بقلم : خواطر شابه

هناك 18 تعليقًا:

ليالي مصرية يقول...

وهكذا احد مميزات النشر انى القط التعليق الاول

وبانتهز هذه الفرصه عشان اسأل امير الحب بكل صراحه انت كنت بتجيب كام فى الاملاء وانت صغير

عنيه اتمققت يا عمنا .. وبعد ما اخلص يا اخويا يروح النور قاطع وارجع اعيد من الاول

طبعا كروت بقى بصراحه ما عدتش شايفه اساسا


اه الحلقه بقى

جميله جدا تسلم اديك

بس انا اعترض تمام الاعتراض على الحديث الى دار بين منى وحسام كان نفسي يكون الحديث اعمق واطول من كده

مش واقعي ابدا يكون رد فعل منى هاااااادي اوي كده وتخلص الموضوع فى كلمتين

ولا ان هو بكل بساطه يقول كانت نزوه وخلصت اصل انا استعيلت فيها

مش عارفه بس هو ده رايي

وعجبنى اوي موقف محمد لانه بالفعل هو كان متردد حوالين كلام مها فى الاول وطبيعى انه يحسه كده تاني

والى عاجبنى اكتر واكتر واكتر محمود والتطور الى حصل فى قصته بالذات الصوت الناعم الجديد ده يا باشا

تحياتي لك والحلقه عموما جميله تسلم اديك

ليالي مصرية يقول...

اه نسيت امضي

ندى الياسمين

sony2000 يقول...

ايون
الحديث فعلا
مبينهم
صغير جدا جدا
دا لاذم يكون فدي حوار طووووويل
يكاد يكون بالساعات او بالايام مش كلمتين وااقلب
فالمجمل الجو دا حلو:)
بالتوفيق

ستيتة يقول...

واحة من الراحة

هو ده احساسي بالبوست
بوست من الجنة
كله ورد ونخيل وريحة خضرة
ناعم وراقي ورقيق

وحلو جدا قصة محمود اللي مش ها يلحق يتعذب
على طول هب ها يشبك وداوني بالتي كانت هي الداء

تحياتي

البنفسج الحزين يقول...

حلقه حلوة قوي يا أمير الحب
تاعمه كده وسلسه ...تسلم ايديك
بس محمود بقا كده محبش ريهام بجد بدليل انه استغني عنها بسهوله ...
وعجبني ان محمد وهو بيتكلم مع نفسه مقتنع بجزء كبير من كلام مها يعني هو مش ملاك هو برضه انسان وممكن يفكر في مصلحته..
اما بقا حوار مني وحسام فانا شايفاة مقنع جدا ...عادي يعني الزوجين قعدوا قعده مصارحه ونقاش واتعاتبوا وخلاص صفوا الخلاف والميه رجعت لمجاريها ...وحسام اقنع مني انها توافق علي جواز باباها ...

خواطر شابة يقول...

الحلقه هادئة وكان ينفع تكون هي الحلقة التاسعة والعشرين لأنها أخذت كل الأمور في طريق الحل مما يصعب مسؤوليتي ربي يستر وتكون حلقتي في المستوى ان شاء الله
دمتم بكل الود

أحمد عبد الحميد يقول...

أمير الحب
--------
تحياتى على مجهودك الجميل
كتبت الأحداث بمنتهى المثالية... الواقع أظن مختلف عن كده شوية
تحيات

أحمد عبد الحميد يقول...

خواطر شابة
----------
ماتنسيش.. أنا اللى عايز أحط نهاية كامل وأمنية
مستنى شوية أحداث للتجهيز للنهاية

خواطر شابة يقول...

الى شعب الليالي الكرام حلقتي ستكون جاهزة للنشر يوم 29 وليس يوم 28 كما هو في الجدول
شكرا مسبقا على تفهمكم
تقبلوا تحياتي

حاجات جوايا يقول...

امير الحب
........
تسلم الايادى يا فندم
الحلقة جميلة وهادية
وان كنت اتفق مع ندى بخصوص مواجهة منى وحسام وانها عدت ببساطة شديدة غير واقعية
بس فى المجمل الحلقة حلوة واحداثها جميلة
تسلم ايدك

amirelhob يقول...

ندى الياسمين

اولا ميرسى على كلامك الجميل

ثانيا

انا والله كنت شاطر فى الاملاء بس المشكله انى كتبت الحلقه ومسحت الحلقه ولما اطلبت منى تانى قعدت كتبتها ونقلتها من ورقه عندى بسرعه جدا

عشان ابعتها تانى

اما بالنسبه لموضوع حسام ومنى انا شايف انو طالم رجع لعقلوا بقى الموضوع مجرد حدث فى الماضى لا يستحق الحديث طويلا ومش لازم كان يبقى صريح معاها للدرجه الكبيره دى عشان الموضوع ميكبرش وهو اوشك على الانتهاء اصلا

بس دا كان تفكيرى وانا بكتب الحلقه

وبتمنى يا رب انها تكون عاجبتك

amirelhob يقول...

sony2000

انا معاكى ان الحديث صغير بس مين فينا منهاش مواضيع كبيره جدا فى قاعدت صفا و خلص الموضوع على كدا دا حتى المشاكل الكبيره جدا بيتعملها قاعده عشان ينتهى الموضوع مش لازم سنين ولا شهور

بتمنى مجمل الحلقه يكون عاجبك

amirelhob يقول...

ستيتة حسب الله الحمش

هى فعلا راحه بس انا لقيت ان عدد الحلقات مش هيساعد محمود فى انو يحل مشكلتوا دا رقم واحد رقم اتنين مش لازم نهايه كل قصه تنتهى بعذاب كدا يبقى اسمها قلوب حزينه مش قلب كامل

amirelhob يقول...

البنفسج الحزين

مش شرط كل اللى نرتبط بيهم يبقى فعلا دا حب حقيقى فى ساعات بنخوض معارك عشان نثبت لنفسنا بس اننا قد التحدى ونرجع نحسبها نلاقى اننا مش عايزن دا
بس كنا بنعاند ونمشى عكس الطيار عشان نثبت وجودنا ليس اكتر وانا حبيت ان الموضوع يعدى بسهوله لان كمان عدد الحلقات لن يكفى

amirelhob يقول...

خواطر شابة

يا رب تكون الحلقه عاجبتك وانا متاكد انك قدها وهتقدرى تعديها ان شاء الله لانها مش صعبه اوى انك ترسمى بعض الاضافات اللى تكمل طريق النهايه

amirelhob يقول...

أبو حميد

عزيزى وصديقى اعلم جيدا ان الواقع متغير عن ذلك لكن نحنوا الان من يصنع واقعه لماذا لا نصنعه بسيط وسهل لماذا دائما لابد من وجود عقد والامور تكاد تكون ابسط من ذلك


ثانيا

اعلم ان ليس من حقى ما سافعل ولكن ارى ان ليس من الصعب ان يتم بعد امنيه وكامل بطريقه خفيفه
يمكن تستغرب كلامى بعد مضى اكثر من 25 حلقه من الحلقات لكن انا اشيف انهم لو فضلوا اصدقاء دا هيبقى اجمل واروع بكثير من انهم يتجوزا لاننا بذلك هنحفظ معانى اجمل بكثير من الزواج لان فى الغالب الزواج سيكون
نتيجه طبيعيه وعندما فكرت فى شكل الحلقه النهايه كنت اتمنى فيها ان يستقيظ كامل من نومه وكان كل ذلك مجرد حلم لكن خفت ان اقول ذلك يرى غيرى انه استخفاف بعقولهم

بتمنى لك حلقه جميله

amirelhob يقول...

حاجات جوايا

ميرسى على كلامك الجميل

اما بالنسبه لموضوع بساطه الحوار فى دا فى راى احسن كتير من ان الموضوع يكبر ويبقى اصعب من كدا خصوصا فى النهايات

amirelhob يقول...

اللى مدونين الليالى

بتمنى يا رب تكون الحلقه عاجبتكم يا رب وبتمنى انكم متشوفش موضوع حسام ومنى من ناحيه انو كان لازم يكبر فى امور كبيره لازم ساعات نناخد ببساطه عشان تتحل

دا كان راى وخصوصا ان بينهم اولا واهم حاجه فى الحياه الزوجيه ان تمر الامور ببساطه وهدوء وان احد الطرفين يعدى جزء من الجرح للطرف الاخر عشان الحياه تكمل

دا كان راى بتمنى مجمل الحلقه يكون عاجبكم