الجمعة، 29 أكتوبر 2010

قلب كامل 29

الحلقة 29

بقلم خواطر شابة

:أهلا استاذ محمود منور المكان والله
التفت محمود الى مصدر الصوت فوجد فتاة رائعة الجمال بوجهها الملائكي وشعرها المنسدل ونظر اليها بدهشة ليس فقط لانه يتسائل من تكون بل لان عينيها كانتا ساحرتين وصافيتين كأنهما شفافتينوسرح في هذا الجمال الملائكي

حتى اضافت: ازيك يا استاذ محمود حمد الله على السلامة
والله انا مش واخد بالي الله يسلمك مين حضرتك
انت مش فاكرني ؟؟انا سامية... بنت حسن سعيد

محمود :حسن سعيد ده صاحب بابا بس هو كان عنده.......
بنت واحدة صغيرة بتيجي معاه و...
فتحت يديها بحركة مسرحية وققالت بجدل
تاراارارا
عقد حاجبيه بدهشة وصاح انت كبرتي و .... وإتغيرتي خالص
قالت ضاحكة يكون في معلومك بابا مش كااان صاحب باباك.... دول لسه اصحاب وبنزور عمي كامل دايما.... وكنت شفت صورك وانت في المانيا
لم ينطق محمود ببنت شفة بل ظل فاغرا فاه
فأضافت: على العموم فرصة سعيدة ...

انا عندي معاد مع واحدة صاحبتي حمد الله على السلامة مرة تانية فرصة سعيدة
وتبعها بعينيه حتى توارى هذا الطيف الرائع الجمال عن عينيه وغمغم بشرود

فرصة سعيدة خالص
=================
طرق باب الغرفة ففتحت ريهام وحملقت بدهشة في الواقف امامها فقال اهلا انسة ريهام

ياترى علياء أخبارها ايه جاءها صوت

امها تقول: مين ياريهام

ففسحت له مجال للدخول وهي تقول: ده كامل بيه والد أحمد يا ماما
بدا الضيق على وجه امها وهي تستقبله بفتور

وهو يدخل قائلا :السلام عليكم قبل ان يلتفت الى علياء الراقدة في السرير

قائلا: ازيك دلوقتي يا بنتي حمد الله على السلامة ربنا

معاكي اجابته باقتضاب الحمد لله والله زعلت لما سمعت الخبر وكنت حاجي أزورك واطمن عليك بس قلت أسيبك لما ترتاحي شوية

قالت امها بفتور وبنبرة تهكميه :والله فيك الخير
قاستطرد دون الوقوف عند تعليق امها... انت مرات ابني وزي بنتي أسيبك ترتاحي بقى

ومال نحوها هامسا: أنا أسف يابنتي سامحيني اللي ميعرفك يجهلك وأرجوك تفكري بهدوء في الكلام اللي قلتيه لاحمد ثم استأذن للانصراف وقبل ان يغادر والتفت لريهام قائلا :
انا عايزك دقيقة ياريهام يابنتي
==================
جلس احمد رفقة نورا يحتسيان الشاي وكلاهما شارد قبل ان تقول نورا كانها تصحو من غفوة :ريان نسميه ريان لو كان ولد
التفت اليها بدهشة وصمت لبرهة وهو يحدق فيها قبل ان يقول مين؟
رفعت نورا حاجبيها بدهشة قبل ان تقطيبهما بغضب: مين؟ انت فين سرحت وانا اللي قلت انك بتفكر معايا في اسم ابننا

ثم اشاحت بوجهها وهي تقول بعتاب : مالك يا احمد متغير اليومين دول
تنهد احمد بقوة قبل ان يقول في الحقيقة انا....كنت بفكر في موضوع علياء أصل..... قاطعه صوت هاتفه الذي يرن فحمله ليجيب وزفرت نورا يادي علياء اللي قرفتنا
احمد :ألو أهلا يابابا
كامل:اهلا احمد انا باكلمك من المستشفى
احمد: ايه خير يابابا
كامل:لا انا كنت عند مراتك
احمد: علياء!!!
بدا الضيق على وجه نورا وهي تسمعه يذكر اسم علياء فاستطرد قائلا: مالها علياء
كامل :مافيش انا بس عايزك ماتبقاش تتأخر في زيارتها وشوفها لو محتاجة حاجة دي برضه مراتك
احمد :حاضر يابابا وايه فكرك بيها عشان تروح لها مخصوص
كامل :في الحقيقة انا كنت عند بنت امنية أصلها ولدت وكلمت بناتها بالمناسبة
احمد :وكان ردهم ايه؟؟
قاطعهما صوت رنة مكالمة في قائمة الانتظار

فقال كامل : بعدين بعدين دا محمود ابن حلال أنا كنت عايزه يالللا يا ابني متنساش اللي قلتلك عليه... مع السلامه

يضغط على زر الاجابة: فيينك يا ابني أنابأدور عليك من االصبح

محمود:معلش يا بابا أصل موبايلي كان فاصل شحن لما فتحته لقيت مكالماتك على العموم انا قريب من الشركة وعاوزك في موضوع كده
كامل : طب انا ربع ساعه كده وهاكون هناك

وفى مكتب كامل

دخل الفراش يحمل صينية بها

كأس عصير فأشار له أن يعطيه للضيف

الجالس في المقعد المقابل لمكتبه


وبعد دقائق دخل لمكتب والده فاستقبله كامل

في الباب وبادره قائلا اسمع يا ابني انت

عارف الخطوة اللي انا حأعملها لكن ققبل كده

انا عايز اطمن عليك وأجوزك
قال محمود بجذل سبحان الله وانا كمان جاي

عشان أقول لك تخطب لي
أجابه كامل انا مستعد اكلم لك ريهام ياابني
قاطعه محمود قائلا لا يا بابا انا باكلم على حد تاني ريهام حتسبب مشكلة في العيلة
وسمع كرسيا داخل مكتب والده يتحرك ورأى وجه أبيه يمتقع فالتفت ليرى اخر شخص لم يتوقعه على الاطلاق
ريهام
====================
قال كامل بضيق وهو يتحدث في الهاتف: انتي متعرفيش الموقف كان شكله ازاي يا امنية انا لسه مبلعتش الموقف البايخ بتاع البنات امبارح

على فكرة لو مكنتيش انت امنية اللي روحي فيها كان يمكن يكون عندي تصرف تاني
قاطعه صوت طرقات على الباب ليدخل محمد ويضع ورقة على مكتبه استغرب كامل ومد يده والتقط الورقة وقرأها بسرعة

قبل ان يقول بحنق: ايه ده انت اتجننت يا ابني؟؟؟!!!

والى اللقاء فى الحلقة الاخيرة بقلم ابو حميد

هناك 20 تعليقًا:

حنعيش يعنى حنعيش يقول...

الله ينور ... حتة تدبيسة لابو حميد ...عسل ... ياترى الورقة دى فيها ايه ... والنبى ماتغشيشيهوش ...تسلم ايدك زى ماحنا متعودين ... اسلوب رشيق ... ماشى حأعدى حكاية ريان دى ... ماهومش مشكله يعنى ان احنا نجيب اسمى ولاد اخواتنا ... بس بالمناسبة ... ابو ريان مختفى ليه

أحمد عبد الحميد يقول...

لأااااااااااااه
خيااااااااانة

حقرا وبعدين أرجع أعلق

أحمد عبد الحميد يقول...

خواطر شابة
---------
إنت ماكونتيش فاضية تكتبى.... صح؟
ماشى يا عم ربنا يسهلوا

حاجات جوايا يقول...

هههههههه
ايه الحلقة دى
دى ضرب نار يا نوجا هههههه
تسلم ايدك يا جميل

يعينى كامل جه يكحلها عماها " بخصوص ريهام ومحمود "
وشكله مش مطمنى بالنسبة لعلياء .. هو عايزها ترجع لاحمد ولا ايه ؟؟؟.. وليه بيقولها سامحينى اللى ميعرفك يجهلك ..؟؟ .. هو كان جاهلها ازاى ؟؟.. وهى لسه فى المستشفى ليه ؟؟


جميلة الحلقة يا نوجا تسلم ايدك :)
فى انتظار الحلقة الاخيرة على احر من الجمر
ربنا معاك يا ابو حميد

sony2000 يقول...

يالهوتييييييي
دا لسا في احداث كتير اوي اوي
كدااا مش هينفع تخلص المره اللي جيااا
شوفلكوا حل

خواطر شابة يقول...

بداية واحقاقا للحق الحلقة من كتابة ابو ريان هو كان طلب مني احجزهالو بأسمي لانه مش عارف ظروفه حتكون ازاي انا دوري كان كتابتها وبعثها
الان الحلقة الاخيرة سيكون لها طعم لاننا ننتظرها ونحن لانعرف ماذا يمكن ان يحصل كل الاحتمالات مطروحة على كل الجبهات
ابو حميد ادينا عملنا بالنصيحة وسبنا لك كامل وامنية اعمل فيهم اللي انت عاوزه ههه بس خليك طيب والنبي وجوزهم

خواطر شابة يقول...

دكتور اسلام
ابو ريان بيسلم عليك وهو متابع دائما فقط ظروف شغله تجعله يقرأ حلقات مجمعة

خواطر شابة يقول...

ابو حميد
منتظرين حلقة اخيرة روعة كما عودتنا لكن اياك ان تصدمنا بكسر قلب كامل

خواطر شابة يقول...

حاجات جوايا
متفقة معاك بخصوص كامل وريهام ومحمود فعلا هو جه يكحلها عماها
بالنسبة لكامل وعلياء اكيد احمد حكاله انها قالت له على عرض والده وانها رافضة العرض ومردتش عليه بس احتراما له وانها هي اللي طالبة الطلاق الان وايضا انها حامل كل دي عوامل تخليه يحس بالذنب ويقول لها اللي ميعرفك يجهلك
علياء في المستشفى لانها أجهضت بسبب الظروف اللي بتمر بيها
انا ايضا مستنية حلقة ابو حميد على احر من الجمر ومتأكدة انها ستكون في مستوى الحدث
أعجبني جدا التطور الحاصل في المستوى بين قصة ثمن الاحلام وقصة قلب كامل وان شاء الله القادم يكون أفضل

خواطر شابة يقول...

sony2000
ههه بس ابو حميد قدها وقدود

ستيتة يقول...

بصوا انا ضحكت وربنا يفرح قلبكم أول ما لقيت اسم ريان
بس متوقعتش ان ابو ريان هو اللي كاتب الحلقة
بس والله سم حلو جدااااااااااا ربنا يخلي ريان لأبو ريان


ثانيا
يا جماعة اللي بينزل الحلقة وبما ان له سبق القراءة - بعد اذنه ومن ذوقه وكلكم ذوق - يصلحها تحريريا
ده مش تدخل خالص في الإبداع
مجرد عدل السطور علشان يتعف مين بيقول ايه
ربنا يكرمكم وانا متأكده أن كلكم مشغولين بس مش ممكن تتخيلوا انا بفتح علشان اشوف الحدوتة دي تحديدا
ولأن نوجا قالت حلقتي 29 من امبارح وانا بدور على الحلقة والله


نيجي للحلقة
1- محمود ده واد عيل قوي
يعني برمش عيونه ياااااااااه
سحروني عيونه ياااااااااااااه
ولكنه يطابق الأغلبية المصرية بشكل مش مستعجب ابدا

2- تصرف كامل طبيعي جدا لواحد عنده ضمير وعنده قلب
يمكن الموقف صعب ان حد ياخد فيه قرار عادل وقرار يصلح الأحوال لكن ده مش معناه إلغاء الضمير كومبليتلي
وهو فعلا كان غلط في علياء غلطة كبيرة

3- حتى اللي عمله مع ريهام متوقع
يمكن لا يمكن توقعه من اب في حالة عادية
بس كامل دلوقتي طاير على اجنحة الحب والأمل والأجنحة دي بتحمل كم من السعادة و"الأمنيات" الطيبة والملائكية لكل اللي حوله حتى لو كان عم اسماعيل البواب

4- كامل في موضوع العيل محمود خبط في الحيط
هو اعتقد ان ابنه ها يضحي بحب حقيقي في سبيل المجموعة
ميعرفش ان ابنه أي عيون معدية تفي بالغرض وكل عام وانتم بخير
صعبت عليا ريهام مؤقتا
ثم تذكرت إنها مش ها تتجوز راجل ها تتجوز مان فقلت احسن انها ها تفر :)



إلى الباشمهندس ابو حميد القاطن في دير النحاس
إنبي على قلبك يا شيخ اديني نهايات واقعية من ارض مصر
أصل قصة انور وجدي ومحسن سرحان بالبدل الإسموكنج
ومديحة يسري وليلى فوزي بالفساتين البيضا
والدفوف بتدخل كلوز وكله بيبوس كله دي مش مصر
وانا احب اكلم شعب مصر بما انها ليالي مصرية

ابو ريان
تسلم ايدك انت واللي كتب وبعت اللي هي مس نوجا
وطولت عليكم
قولوا مطولتيش
محدش يمسكني
انا متعلقة بقلب كامل
جدااااااااااااااااااااااا

أبو ريان يقول...

يا شعب الليالي الكرام ..
يسعدني المشاركة في هذا العمل الجماعي الذي أبدع كل من ساهم فيه..
نظرا لظروف خارجة عن الإرادة أصبحت بعد كتابتي لحلقة في أول القصة أتابع الحلقات متجمعة بتعليقات متفرقة..
لكن حب الليالي والمستوى الرائع جعلني أطلب من أختي أن تحجز حلقة باسمها لعل الظروف تتغير بآخر المسلسل..
أرجو المعذرة وأرجو أن تنال الحلقة إعجابكم..
شكر خاص لنجيبة ..
دمتم بكل ود..

أبو ريان يقول...

حنعيش يعنى حنعيش
تسلم يا دكتور سألت عليك العافية..
حكاية ريان عديهااا يا علشان خاطري...
أرجو أن تنال أحداث الحلقة إعجابك

أبو ريان يقول...

أبو حميد
لأااااااااااااه
خيااااااااانة
والله لقد اضحكني تعليقك .. لكن أنا أعلم أنك سوف تبهرنا بالحلقة الأخيرة..
في الحقيقة كنت أفكر أن أطلب منك أن تكتب الحلقة التاسعة والعشرين وتجعلها الأخيرة لأن الأحداث كانت ستفرض علي كتابة حلقة رتيبة كلها ورود وضحكات خالية من التشويق وبالتالي ستكون حلقتك تحصيل حاصل..
أما الآن فأظن أن الليالي منفتحة على جميع الإحتمالات..
وذلك بحكم بند من الدستور يقول’’ اللي جاب الجني هو اللي يعرف يصرفه’’
في انتظار ذلك تقبل تحياتي..

أبو ريان يقول...

حاجات جوايا
تسلمي .. رأيك مهم جدا جدا
أنا أحب ضرب النار
في انتظار الحلقة الأخيرة
تحياتي

أبو ريان يقول...

sony2000
أبو حميد لديه صفحة كاااملة ليضع النهايات كما يشاء
ربنا معاه
أرجو أن تروقك الحلقة

أبو ريان يقول...

ستيتة حسب الله الحمش
تحيات ريان وأبو ريان وعمة ريان لك
تسلمي على التعليق الجميل والشامل
أستمتع دائما بتعليقاتك
تحياتي

أحمد عبد الحميد يقول...

إلى شعب الليالى الكرام
الليلة نسدل الستار على قلب كامل

أحمد عبد الحميد يقول...

دكتورة ستيتة
راجعى ميلك من فضلك

أحمد عبد الحميد يقول...

أبو ريان
شكرا يا باشا على ثقتك الغالية