الخميس، 20 يناير 2011

الحلقة 24 ..اين انا ؟؟

الحلقة 24.... اين أنا ؟؟

بقلم : ندى الياسمين

.......................

هاني نفسيته هديت شويه من ناحية رانيا .. لكن برضه مش عارف يرجع فى كلامه وثورته ازاي واصلا هو برضه ما زال شايف انها غلطانه وما كانش يصح تعمل كده .. روح هاني وعدى على مامته طبعا الى فضلت تشتكيله من حاجات كتير اوي تعباها وهو بيسمعها بس مش مركز اوي بس فى النهايه قالها يا ماما انا مرهق اوي ويظهر كده داخل عليا دور برد وهاقوم اطلع عشان انام

وطلع ومازال محتار ........

>

رانيا كان قدامها حلين

يا اما ترضخ لكلام هاني وتسيب كل حاجه بتحبها عشان ترضيه يا تعمل مشكله وتتحداه وهى عارفه انها لو دخلت فى دور عند دلوقتي مع هاني المشكله هاتكبر ...فضلت تفكر كمان هو صحيح هاني عارف المدونه بس ما كانش بيدخل عليها ولا حتى يعرف مكانها ولا اسمها

طب امال ايه خلاه فجأه يشوف ويعرف.... وفجأه نورت فى دماغها حاجه ... معقوله؟؟؟!!! معقوله تكون هيام ؟؟؟

ايوه انا ما قلتش لحد غير هيام انى عندي مدونه اصلا ما حدش فاهم اوي يعنى ايه مدونه هى مره كانت قاعده مع العيله تحت وجابوا برنامج مستضيف مدونين ورانيا قالت انها تعرف مدونتهم لانها عندها مدونه

طب برضه هى هاتعرف منين مدونتي ما انا ما قلتلهاش على اسمها ولا حاجه ؟؟!!!

قطع تفكيرها صوت باب الشقه وهاني الى دخل اوضته بعد ما بص على رانيا لقاها بتنيم جنا

هاني غير هدومه ودخل سريره على طوله ...... رانيا بعد ما جنا نامت راحت لهاني بهدوء وبوش مافيهوش لا زعل ولا فرح ... وسألته اجيبلك تتعشى ؟؟ رد هاني وقالها بنفس طريقتها .... لا مش جعان

رانيا قالتله براحتك وهى كمان راحت خلصت الى وراها ودخلت فى سريرها جمبه وعملت نفسها هاتنام بس فى الحقيقه هى كانت بتفكر وتفكر فى حاجات كتير وسنريوهات كتير للموقف خطرت على بالها ..... بعد شويه حست بهاني بيرتعش فندهت عليه : هاني فى ايه بتعمل كده ليه مالك ؟؟؟

هاني طلعت حرارته مرتفعه جدا جدا وطلع اخد برد جامد جدا جريت رانيا وجابتله ادويه وعملتله كمادات لحد ما الحراره نزلت شويه وعلى الصبح جابتله دكتور كان دور جامد جدا والحاجه كوثر طلعت له وقالت ما اسبوووووووش ابدا وهو عيان

وطبعا رانيا قعدت 3 ايام مش بتنام خالص يادوب على ما تخدم هاني وتمرضه وجنا وطلباتها وكمان الحاجه كوثر الى قاعده هى كمان اقامه كامله وضيوف والدنيا اتقلبت ما الحاجه كوثر كلمت الدنيا كلها وقالت هاني تعبان

طبعا توقف الكلام خلال الايام دي عن كل حاجه فى خلافاتهم ويظهر ده كان احسن لهم لان نفسيتهم هديت من ناحية بعض كتير وبقت الامور اسهل للكلام فيها

بعد ما هاني اتحسن والحاجه كوثر نزلت شقتها ورانيا من تعبها نامت وهى قاعده جمب هاني فى السرير بعد ما اعطته الادويه بتاعته

هاني بص لها وهى نايمه وصعبت عليه اوي وحس انها مرهقه اوي فاخد اديها باسها وعدلها فى السرير زي البيبى بحنيه وهى حست به بس كانت مش قادره تدي اي رد فعل وغطاها وطبطب عليها ونامت

رانيا صحيت الصبح لقت هاني نايم وسايب التلفزيون مفتوح كالعاده ولما فاقت افتكرت الى حصل امبارح انها نامت وان هاني هو الى عدلها وغطاها وطبطب عليها بصت له وابتسمت وباسته من جبينه وهو نايم بس هاني نومه تقيل ولا حس بحاجه J

فضلوا على كده كام يوم هاني رجع شغله وبقى احسن وبدأ يتعامل مع رانيا عادي وطبيعى فى الكام يوم دول

طبيعى رانيا فى الكام يوم دول ما كانتش فاضيه للنت ولا للرسم فهاني اعتقد انه كده هى خلاص نفذت رغبته وانتهى الموضوع على كده ... وقال يبقى احسن برضه انها ما عادتش تدخل النت تاني وخلاص

وبيحاول يكلم رانيا عادي لكن رانيا بصراحه من جواها ما كانش كده كانت مضايقه ونفسها تاخد موقف وبعد تفكير قررت انها تفتح الموضوع مع هاني وتكلمه

باسم ماشي فى موضوع الخطوبه عادي بس ايه مامته مطلعه عينه ومجنناهم هى صحيح وافقت وفرحت بباسم انه اخيرا هايتجوز وهى ما صدقت

انما برضه يعنى مش ناسيه ومش هاتنسى وفى كل مناسبه بتدي لباسم كلمتين ولما تجمعها الصدف مع اهل سمر وهما بيتفقوا على حاجه لازم برضه تسمعهم كلمتين وتكلمهم من ترتوفة مناخيرها اه احسن يفتكروا انه راسهم براسها ولا حاجه

وراحوا اخيرا يشتروا الشبكه : اهل سمر ما حددوش باباها قال لباسم يا ابنى الشبكه دي هديه من العريس للعروسه فى حد يحدد الهديه بكام

وفى النهايه هى هاتيجى لحد عندك بشبكتها فانت هات الى ربنا يقدرك عليه

طبعا مدام نجاة ردت وقالت طبعا احنا لازم نجيب شبكه كويسه لان كل واحد برضه بيجيب قيمته

راح لحقها جوزها قبل ما تضرب فى العلالي وقالهم طب يا جماعه ما دام كده مش هانختلف ان شاء الله واحنا عنينا لسمر دي بنتنا

وهما فى محل الدهب باسم ومامته وباباه وسمر طبعا ومامتها واختها وابوها

باسم طبعا مش معاه حاجه اصلا ابوه هو الى دافع فلوس الشبكه ومتفقين انهم هايجيبوا شبكه بعشر الاف جنيه وهما بينقوا

سمر اختارت على ذوقها طبعا وواقفه بتاخد راي اختها وامها وبعدين لقت مامة باسم واقفه وشكلها مش عاجبها فراحت لها وقالت لها بود ايه رايك يا طنط فى ذوقي

راحت باصلها كده بصه رخمه وقالت لها لا رايي ايه بقى ما انتى بتنقي انتى ومامتك انا بقى لزمتي ايه ؟؟

راحت سمر غمزت مامتها وكلهم قالولها فى نفس واحد ازاااااي ده انتى الكل فى الكل راحت بصت كده للحاجات الى نقوها وقالت لسمر ايه ده بصراحه كده الحاجات دي ذوقها بلدي اوي

غوايش ؟؟ لسه فى حد بيلبس غوايش

وراحت نقت حاجات تانيه طبعا وسمر قالت بينها وبين نفسها مش مشكله اي حاجه كله محصل بعضه المهم ما تزعلش مامة باسم هى نفسها تبقى زي مامتها

بس ام سمر بقى الى بقت واقفه مش طايقه نفسها ولا طايقه نجاة

ووشوشت سمر فى ودنها : من اولها يابت بتكسري كلامي وتسمعي كلامها ؟؟

سمر : انتى بتقولي ايه بس يا ماما برضه الحاجات الى هى نقتها عجباني والله

قالت لها : طيب يا اختي ربنا يهني سعيد بسعيده بكره هاتركبك وتهز رجليها

وباسم كان فرحان اوي بالى عملته سمر وكان نفسه يشيلها من على الارض شيل وكان بيغروش على كلام مامته الى مش ولا بد

ولما رجع البيت غلط غلطة عمره

وقال لمامته: يا ماما ابقى خفي شويه على سمر دي طيبه وبنت حلال وبتحبك اوي

نجاة : بقى هى طيبه وبنت حلال وانا يعنى الى وحشه بقى

ليه وانا يعنى كنت قلتلها ايه

فيها ايه لما اوجهها عشان ما تجيبش حاجه بلدي

ولا يعنى احنا نحط فلوسنا كده واحنا كاتمين بؤنا وخلاص

واتفتحت زي الرشاش فى وش باسم

الى خد الكلمتين فى عضمه وبصراحه وجعوه

وقالها ماشي يا ماما شكرا اوي يا ستى وعموما انا مش عايز حاجه من حد ولو عايزه ترجعي الشبكه وتاخدي فلوسكم انا ما عنديش مانع

وانا وسمر هانعيش على ادنا وهانتجوز على ادنا مش عايزين منكم حاجه

ودخل وقفل عليه اوضته

بصلها الحاج كارم : وقالها ارتاحتي دلوقتي ؟؟؟

نكدتي عليه وعلينا يا وش ال ..... السسسسسسسسعد

ونرجع لرانيا وهاني

رانيا ما بتعرفش تنسى بسهوله ومش عايزه كمان الحكايه تخلص على كده ومش عايزه تعمل حاجه من ورا هاني زي ما كتير بيعملوا وبيدخلوا النت ويكتبوا ويكلموا ناس بدون علم اجوازهم واهاليهم

فقررت انها لازم تتكلم مع هاني

وفعلا فى يوم بعد ما هاني جه واتعشى وجنا نامت والامور استقرت راحت رانيا قالتله هاني انا عايزه اتكلم معاك شويه ممكن ؟

هاني فهم على طول من لهجتها الجاده انها عايزه تتكلم فى نفس الموضوع فقال لها بغلاسه لو كنتى هاتتكلمي فى موضوع المدونه الموضوع ده انتهى خلاص

فردت رانيا بهدوء: انتهى يعنى ايه وانتهى عند مين .... هاني لو سمحت اسمعني بهدوء

هاني قال بزهق : ماشي اتكلمي انا منعتك

رانيا قالتله : الاول انا معترفه انى غلطت واسفه على الغلط ده ... لانه ما كانش المفروض فعلا اكتب تفاصيل عن حياتي على الملأ كده ..... لكن كمان انت لازم تعذرني انت يا هاني كنت سايبنى لوحدي خالص حتى مرواحي عند ماما كان بالقطاره وشريف اخويا الى كان بيود عليا سافر وانت ما كنتش باشوفك الا تحت فى وجود مامتك وانا باغديكم ولا اعيشيكم ومش لاقيه حد اتكلم معاه اتجنن يعني

هاني : بصي بقى ولا تفاصيل حياتنا ولا غيره عجبك يعنى الخفيف الى كان مستحلي نفسه وبيرد عليكى ازاي

رانيا : جرى ايه يا هاني اولا الحكايه دي باالذات مالكش حق فيها ده بيرد عليا قدام الناس كلها وانا كمان رديت عليه بكل ادب وصديت حتى مجاملاته ..... وضيقت عنيها بقى بتلميحه لحكاية عاليا ولا يعنى خرجت معاه ولا تليفونات وقصص زي ناس

هاني اتعفرت وقالها : قصدك ايه لا يا ماما تفرق ... انا راجل يعنى من حقي حتى اتجوزها .... وبعدين احنا مش خلصنا من الموضوع ده ولا ايه

رانيا : ماشي اتجوزها حاجه والى انت كنت بتعمله حاجه تانيه ويكون فى علمك لما تتجوزها انا كمان من حقي اقولك مش عايزه اعيش معاك وانت متجوز عليا وبعدين ماشي بلاش الموضوع ده خلينا فى موضوعنا

ورجعت تاني رانيا لهدوءها الى قررت انه يكون معاهاا طول المناقشه دي

وقالتله : يا هاني عشان خاطري ما تخنقنيش سبنى اعمل حاجه انا حباها انا بالاقي نفسي فى الرسم والكتابه وبالاقي ليا جمهور لا يعرفوني ولا شافوني حتى لو كان جمهور صغير وانما بالاقي نفسي وسطهم وبعدين يا هاني هو انت ايه مش واثق فيا ؟؟؟

هاني : لا طبعا لو ما كنتش واثق فيكى ما كنتش اسيبك فى بيتى ثانيه واحده بس انا خايف عليكى وباغير عليكى

رانيا : يا حبيبى ربنا يخليك ليا بس مافيش حاجه تخوف يا سيدى من هنا ورايح ابقى اقرا كل يوم انا باكتب ايه واديك عرفت المدونه وبعدين انا ما حدش يعرفني اصلا من الناس دي كلها

عشان خاطري يا هاني انا مش عايزه اعمل حاجه من وراك وفى نفس الوقت مش عايزه اسيب حاجه لقيت فيها نفسي .... ويكون فى علمك رغم ان المدونه والرسم انا باحبهم ولاقيه فيهم نفسي الا انهم مش اهم منك عندي ولا اهم من بيتى وبنتى يعنى لو انت اصريت وخيرتنى بينك وبين المدونه انا هاختارك انت طبعا يا حبيبى

بس انا باقولك عشان خاطري بلاش تحرمني من حاجه باحبها ومش باعمل حاجه غلط عشان خاطري

هاني بصراحه قدام كلام رانيا ما قدرش يغلطها ولا قدر يقولها لا بصلها بكل حنيه وخدها فى حضنه وقالها اعمل فيكى ايه

باحبك ومش عايز ازعلك

رانيا نطت من مكانها وقالتله بجد يا هاني خلاص اقتنعت

هاني : اممممممممممم شويه بس على شرط الواد الرخم ده الى بيقولك قمر ده تقوليله ما عادش يقولك يا قمر تاني الله امال انا اقولك ايهJ

رانيا : وهى بتضحك حاضر يا حبيبى هاقوله والله ولو تحب اقتلهولك مافييش مشكله واعلقلك راسه على باب المدونه عادي..... بس تعالى هنا انت ازاي عرفت مكان المدونه اصلا ؟؟؟؟؟

هاني : عرفت وخلاص بس بقى خلااااص خلصنا من الفيلم ده

رانيا : لا ممكن ابدا لازم اعرف

هاني :طب تعالى بقى فى حضنى بلاش رخامه

ويطبطب عليها ويقولها مش هاسيبك وحدك تاني

رانيا بامتعاض : ايه ده ؟؟؟؟

هاني : ايه فى ايه ؟؟؟

رانيا: انت ريحتك ايه؟؟؟!!!!

هاني : ايه ده البرفان الى كانت هيام جايباهولي هديه ماله ؟؟؟

رانيا : اوف لا لا مش قادره استحمل ريحته دي فظيعه

هاني وهو بيضحك : ايه ده انتى حامل ولا ايه ؟!!!!!

رانيا وهى بتبص فى السقف وبتفكر : ايه ده ؟؟؟؟تصدق ممكن !!!!

.....................

الى اللقاء فى الحلقة القادمة

بقلم : شيرين سامى

هناك 14 تعليقًا:

حاجات جوايا يقول...

استاااااااذ
جميلة اوى الحلقة يا ندى
عجبنى اوى حوار رانيا وهانى .. وعجبنى اكتر ان هانى رجل متحضر ومخه مش مقفول ويحترم الراى والراى الاخر

اتخنقت اكيد من الامهات
الحاجة كوثر
ومدام نجاة
ومازال نموذج مارى منيب يتكرر ويستمر وينتشر ... ويقتل زوجة الابن

رانيا اخيرا هتبقى حامل .. هى جنا عندها اد ايه دلوقت ؟؟

الحلقة كلها جميلة اوى .. تسلم الايادى يا ريسة

shimaa elkholy يقول...

انشاله يخليكى يا سالي يا منقذتى

مرسي على رايك على الحلقه

ويا ستى سن جنا ده الى فى مشكله كده بس هانصلحها

البوست الى فات محمد كاتب انها بدات تزحف بس حسب تسلسل الاحداث المنطقي مفروض انها تكون اكبر من كده شويه
يعنى بتاع سنه ونص

فهانستاذنه نغيرها لبقت بتمشي مش بتزحف

ونغفرله هذا الخطا الصغنن عشان هو لسه برضيك صغنن وما دخلش دنيا ومالوش خبره بالعيال ههههههههههههه

Unknown يقول...

حلقه حلوه أوي أوي و غلب عليها الواقعيه و المنطق خصوصاً في تعامل الحموات الفاتنات و عجبني مووووت حوار هاني و رانيا مثال لزوجين بينهم حب و خوف على بعض مهما يمر بيهم و عجبني تعليقها على الجواز التاني:)
تسلم ايدك يا ندى الياسمين
تحياتي للجميع
أول ما هخلص الحلقه هبعتها ان شاء الله

محب روفائيل يقول...

أيه ده هو الحامل مبتحبش ريحة البرفان ؟

أول مرة أعرف كده :)

الحلقة رائعة بجد

تسلم ايدك يا ندى

بس اعذرينى على انى مش عارف بجد معلومة الحامل والبرفان دى :)

احنا عندنا كمية أطفال رهيبة فى البيت وكلهم عيال اخواتى ، مما يعنى انه كان عندنا كمية حوامل رهيبة برضه :)

بس محدش قاللى ابعد ببرفانك :)

أولا لانهم بيحترمونى أكتر من اجوازهم :) أمال أيه بقى :)

ثانيا بقى ودى الأهم أنى مبحطش برفان أصلا:)

الحلقة رائعة بجد

تسلم ايدك يا ندى :)

sony2000 يقول...

لالالالالالالا
الموضوع كدا بدأ يكون حلو
يلا بنا يستر

حنعيش يعنى حنعيش يقول...

حلقة فى منتهى الجمال ...شوفتوا بقى ان الرجالة طيبين قوى ازاى ... وكلمتين حلوين يظبطوهم ... تسلم ايدك يا ريسه

خواطر شابة يقول...

ندى الياسمين
حلقتك قمة في الواقعية والتسلسل المنطقي
اعجبني صراع الحموات وبوادر انتفاضة ام سمر ربي يستر في قادم الايام وميشبكوش مع بعض
سمر نموذج الفتاة العاقلة المحبة
باسم مسكين من الانعزال التام لآتون صراع بين حماتين ربي يستر عليه
علاقة رانيا وهاني تطورت بشكل جميل والحوار بينهما كان راقي وجميل ومفعم بالرومانسية
بس تعرفي احنا هاني كل مرة بيتخانق مع رانيا بنخليه يعيا عيا جامد عشان يرجعه لبعض مرة حادثة عربية ومرة دور برد جامد ده خلاص حيحط ايده في الشق من اسرة الليالي ههه
الحلقة جميلة عزيزتي يسلم قلمك

shimaa elkholy يقول...

شيرين والله هو فى الغالب الح بيبقى موجود بس مافيش مخ

وتعليقها علىالجواز التاني ده اقل واجب ههههههههههه

تسلمى يا جميل وفى انتظار حلقتك

shimaa elkholy يقول...

محب
ههههههههههههههههههه

بكره تلاقي الى يقولك ابعد ببرفانك
ايوه فى ناس كده وكتير

وميرسي على رايك ونورت

shimaa elkholy يقول...

سوني

بدأ بس يا رخمه
ههههههههههههه ماشي منوره

shimaa elkholy يقول...

حنعيش يعنى حنعيش

هما كلمتين حلوين يظبطوهم اه معاك

بس كمان مش ملايكه يعنى

والستات والله برضه كلمتين حلوين يظبطهوهم ويروقوهم

shimaa elkholy يقول...

خواطر شابه
مرسي يا حبيبتى

ماهو اصل الى حصل المره الى فاتت كان غصب عني هههههههههههه

بعدين برضه شايفه ان ربنا بيسترها كده دايما وتلاقي فعلا تتحقق النبؤه عسى ان تكرهوا شيئا وهو خير لكم

africano79 يقول...

اطلع واكتشف علي باقات خدمات شركة الندي المميزة
شركة تنظيف بالرياض | شركة تنظيف | شركة الندي شركة تنظيف
شركة الندي تقدم خدمات النظافة المميزة في الرياض وجميع ارجاء المملكة وكذلك خدمات الصيانة والمقاولات العامة
خدمات شركة الندي متنوعة وتفي بالغرض – اذا كنت تريد ان ينبهر عملائك وزائريك بنضافه المقر
لشركتك او منزلك او مصنعك

*****************************************

تقدم شركة الندي :: افضل شركة خدمات نظافة علي مستوي المملكة :::
خدمات النظافة الشاملة ( تنظيف شقق – قصور – فيلات – مقرات شركات – مصانع – موكيت وسجاد)
خدمات نقل وتخزين الاثاث – خدمات ابادة الحشرات والافات الضارة
خدمات كشف التسريبات ( المياة – والغاز ) – خدمات تسليك المجاري والبيارات
خدمات مقاولات عامة ( انشاءات وديكورات – تركيب سيراميك ورخام – ودهانات )
خدمات العزل ( عزل خزانات – عزل اسطح – عزل حمامات )

*****************************************

دعنا نخصص لك البرنامج المناسب لاحتياج مقرك ومكنا من تقديم خدماتنا لديك سواء كانت
( يومية – أسبوعية – شهرية ) وبعدها يمكنك الاعتماد علينا .
خدماتنا متكاملة ومستواها عالي الجودة ,,, إذا أردت أن يكون مقرك متميزاً ويلاحظه زائريك وعملائك اتصل بنا وتجد كل ما تحتاجه من خدمات .

لاتتردد واتصل بـــــنــــا فـــــورا


للتواصل والاستعلام :::
الرياض - الدمام
0543062764
0543062810
info@alnadaa.com
support@alnadaa.com
الصفحة الرسمية للشركة علي الفيس بوك
https://www.facebook.com/alnadaa
حسابنا علي تويتر
https://twitter.com/Alnadaa_Suadi
القناة الرسمية علي اليوتيوب
http://www.youtube.com/user/AlnadaaSaudi
الموقع الرسمي للشركة
http://www.alnadaa.com/

شركة تنظيف بالرياض | شركة تنظيف | شركة الندي شركة تنظيف | خدمات التنظيف الشاملة | تنظيف منازل | تنظيف قصور | تنظيف فلل | تنظيف شقق | تنظيف مجالس | تنظيف موكيت | تنظيف خزانات | تنظيف مسابح | تنظيف واجهات زجاج | تنظيف واجهات حجر | تنظيف واجهات كلادينج | تنظيف بيارات الصرف الصحي | شفط بيارات الصرف الصحي | تسليك مجارى الصرف الصحي

Al Nada@2013


Unknown يقول...

افضل خبراء عثرت عليهم وتعاملت معهم في مجال التسويق الالكتروني والسيو
شركة تسويق اون لاين
من الشركات الممتازة والموثوق فيها عن تجربه لاني معجب
بطريقه تنفيذ عملهم علي اجمل وجه

اكتشفت ايضا أنه يمكنك ان تحجز معهم استشارة مجانية لمدة 30 دقيقة. اليك الرابط.

http://tasweek-online.com/contact/

ودا رابط الخاص باعمالهم السابقه قد ايه اعمالهم اكثر من رائعه وبحرفيه شديده
http://tasweek-online.com/portfolio/


وهذه ابضا تفاصيلهم على الشبكات الاجتماعية

الفيس بوك
https://www.facebook.com/pages/Taswe...83859928381602
Twitter
http://twitter.com/OnlineTasweek
YouTube http://www.youtube.com/user/OnlineTasweek

الشخص المسؤول: يوسف ماثيوس..